Аймақтар • 18 Қаңтар, 2025
Көрнекті мемлекет және қоғам қайраткері Дінмұхамед Ахметұлы Қонаевтың туғанына 113 жыл толуына орай әкімдік өкілдері, ардагерлер, қоғамдық ұйым мүшелері мен қала тұрғындары бас қосып, облыс орталығындағы еңселі ескерткішке гүл шоқтарын қойып, заңғар тұлғаның рухына тағзым етті.
Бокс • 17 Қаңтар, 2025
Былғары қолғап шеберлері бақ сынасты
Жамбыл ауданындағы «Baqsy» сауықтыру кешенінде бокстан жастар арасында Алматы облысының чемпионаты өтті. Жарысқа өңірдің 8 ауданы мен Қонаев қаласынан 2011–2012 жылы туған жас спортшылар қатысты. Барлығы 9 команда, 220-дан аса спортшы өзара бақ сынасты. Олар 16 салмақ дәрежесінде қолғап түйістіріп, 32 медаль жиынтығын сарапқа салды.
Аймақтар • 16 Қаңтар, 2025
Алматы облысы көлік инфрақұрылымын нығайтып жатыр
Алматы облысында жол инфрақұрылымын жақсарту және көлік жүйесін дамыту жобалары белсенді түрде жүзеге асырылып келеді. Былтырғы жылы 5,4 км жаңа жол салынып, 143,2 км жолға орташа жөндеу, 2,4 км жолға күрделі жөндеу жүргізілді. «Жайлы мектеп» жобасы аясында 12 мектепке кіреберіс жолдар салу маңызды қадам болды, бұл тұрғындар мен оқушылар үшін ыңғайлы қолжетімділікті қамтамасыз етті. Жол жабынын шамадан тыс жүктемеден қорғау және оның пайдалану сапасын сақтау үшін екі автоматтандырылған таразы бекеті орнатылды.
Аймақтар • 15 Қаңтар, 2025
Үш жүз саяжайға ауыл мәртебесі берілді
Ауылдан қалаға үдере көшкен халықтың дені саяжайларды жағалап, жаз маусымына арналған үй-жайдың орнына баспана салып, түбегейлі қоныстанғалы талай жылдың жүзі өтті. Басқалқа табылғанмен, жол мен жарыққа жарымау, ауызсу тапшылығы, тарифтің қалтаны қағар қымбатшылығы мұндағы халықтың басты проблемасына айналды. Осы тығырықтан шығудың жолы – саяжайларға «ауыл» мәртебесін алу туралы ұсыныстар әкім-қарарлардың есептік жиынында сан мәрте көтерілгенмен, шешім тауып мандытпады. Сөйтіп, әлеуметтік мәселелері жыл өткен сайын қордаланған саяжай тұрғындары тұрмыс тауқыметін аз тартпады.
Еңбек • 11 Қаңтар, 2025
«ҚазЖеңілӨнеркәсіпАлматы» киім фабрикасының бөлімшесі саналатын «Алатау» ЖШС Жамбыл ауданындағы өнеркәсіптің өрісін кеңейтіп отыр. Іске қосылғанына екі жылға жуықтаған кәсіпорын жұмысы уақыт өткен сайын қарқын алып, отандық тігінге тапсырыс көлемі артып келеді. Кәсіпорынның тігін машиналарымен жабдықталуына бастапқыда 230 млн теңге инвестиция тартылған. 30 шақты адамды еңбекпен қамтыған тігін цехында бүгінде 100-ге жуық жұмысшы еңбек етеді. Олардың басым бөлігі – Ұзынағаш ауылының тұрғындары.
Аймақтар • 09 Қаңтар, 2025
Қонаевтағы саябаққа Бердібек Соқпақбаевтың есімі берілді
Былтыр балалар әдебиетінің классигі Бердібек Соқпақбаевтың 100 жылдығы ЮНЕСКО көлемінде аталып өткені белгілі. Қонаев қаласында ұлы тұлғаның есімі әлі де ұлықталып жатыр. Жаңа жылда орталық саябаққа жазушы Б.Соқпақбаевтың есімі берілді.
Мектеп • 31 Желтоқсан, 2024
Қарасай ауданында екі жайлы мектеп есік ашты
Мемлекет басшысы Қасым-Жомарт Тоқаевтың тапсырмасымен «Жайлы мектеп» ұлттық жобасы аясында Қарасай ауданында еңселі екі мектептің құрылысы аяқталып, пайдалануға берілді. Бұл жаңалық – жергілікті жұрттың қуанышын арнасынан асырып, балалардың жүзін бал-бұл жайнатты. Себебі енді оқушылар сөмкелерін сүйретіп, алысқа сабылмай, заманауи су жаңа мектепте білім алады. Білім шаңырақтарының бірі – Қаскелең қаласының іргесінде болса, екіншісі – Кемертоған ауылында салынған.
Жәдігер • 25 Желтоқсан, 2024
Еңбекшіқазақ ауданындағы «Есік» мемлекеттік тарихи-мәдени музей-қорығында көненің көзіне айналған жәдігерлер жетіп-артылады. Соның бірі гривна – мойынға тағатын шеңбер түріндегі күміс немесе алтыннан жасалған бұйым. Алтын адам мойнынан ұштарында барыстың басы бар үш жарым орамды спираль тәрізді гривна (мойын алқасы) табылған. Оның негізгі бөлігіндегі түтікшелердің ұштарына алынбалы топса қондырылған.
Аймақтар • 24 Желтоқсан, 2024
Сарыбастаудың сәнін кіргізген кешен
Райымбек ауданы Сарыбастау ауылында жаңа спорт кешені ашылды. Алматы облыстық құрылыс басқармасының тапсырысымен бой көтерген нысанды бас мердігер «СП «NEFT» ЖШС бір жарым жыл ішінде халықаралық, заманауи талаптарға сәйкес етіп салып шығып, қолданысқа берді.
Аймақтар • 24 Желтоқсан, 2024
Қарасай ауданында халықтың әлеуметтік жағынан осал топтарына арналған баспананың кілттері салтанатты түрде табыс етілді. Аудан әкімінің орынбасары Рустам Атшабаров жаңа қоныс иелерін арнайы құттықтады.
