Арқаның арулары бақ сынауға әзір

ҚАРАҒАНДЫ. 19 қазан. Қарағандыда «Қарағанды Аруы-2015» байқауында бақ сынайтын сұлулар іріктелді. Бұл туралы egemen. kz тілшісі хабарлады. «Қарағанды Аруы-2015» конкурсы үстіміздегі жылдың 10 желтоқсанында өтуі жоспарланған «Қазақстан Аруы-2015» байқауының іріктеу туры болып саналады. Қазылар алқасының жұмысына қатысу үшін кеншілер астанасына «Қазақстан Аруы-2015» Ұлтық сұлулық конкурсы» қоғамдық қорының әлеуметтік бағдарламалар жөніндегі директоры Совет Сейітов пен еліміздің белгілі киноактері, продюссер және режиссер Максим Ақбаров келді. Іріктеу сынына қатысқан 100 үміткердің ішінен 20 арудың жолы болып, Арқа сұлуларының байқауына жолдама алды. Еске салар болсақ, өткен жылғы байқауда Қарағандының аруы атағын 22 жастағы Айсель Файзуллина жеңіп алған болатын. Қайрат Әбілдинов. Дерек, сурет: egemen. kz.