Контрабанданың жолы кесілді

Шекарадан заңсыз зат алып өту үшін контрабандашылар әртүрлі қулықтарға барады. Сонымен, ағымдағы жылдың 26 шілдесінде Өскемен шекара отрядына қарасты “Қызыл ауыл” заставасының шекара нарядымен Қа­зақстаннан Ресейге беттеген БТР-60 ауыр кө­лі­г­інің қозғалысын аңғарып қалады. Мемле­кет­тік шекараға БТР-60 ауыр көлігі жақындағанда шекарашылар жүргізушіге көлікті тоқтатуды талап етеді. Бірақ БТР жүргізушісі бұл талапты орындамайды. Отан сақшылары заң бұзу­шының соңына түседі. Мемлекеттік шекара маңында көлікті тоқтату мақсатында шекара наряды ескерту оғын атқан. Бірақ, бұл әрекет те БТР-60 көлігінің жүргізушісін тоқтатқан жоқ. Шекарашылар көлікті тоқтату үшін БТР-60 доңғалақтарына оқ жаудырды. Іс кесушілерден қашып құтылу мақсатында контрабандашылар БТР-60 ауыр көлігінен “Қызыл ауыл” шекара заставасы әскери кыз­метшілері мінген мәшине доңғалақтарының ас­тына жүк лақтырады. Арам ойлы заң бұзу­шылардың бұл әрекеті шекарашыларға тос­қауыл болмады. Шекара нарядының білікті әрекеттерінің ар­қасында көлік тоқтатылды. Ресей Федера­ция­сының үш азаматы құрықталды. Тексеріс ба­ры­сында анықталғандай, БТР көлігі то­лығымен халық тұтынатын тауарларға лық тиелген екен. Аталмыш дерек бойынша тергеу амалдары жүргізілуде.