“Фолиант” баспасының жаңа туындысында кестеленген
Тарих – таным мен тәлімді, мәдениет пен өнерді, дәстүр мен салт-сананы, шежіре мен жәдігерлерді, ең бастысы ұлт пен ұлттылықты бір арнаға ұштастырған, бір-бірінсіз құндылық феноменін құра алмайтын асыл қазына. Тарихтың елге артқан жауапкершілігін терең сезінген тарихшылар, өлкетанушылар мен жазушылар бүгінде елдің тарихын бүтіндеп жатқандарына “Менің Отаным – Қазақстан” атты сериямен шығып жатқан кітаптар толық айғақ бола алады.
Бұл серия аясында осыған дейін “Ұлытау”, “Ойыл”, “Ерейментау”, “Қазығұрт”, “Отырар” кітаптары оқырманға жол тартса, өлкетану тақырыбындағы тарихи танымдық кітаптардың қатары енді, міне, “Фолиант” баспасынан шыққан (авторы тарих ғылымдарының докторы Жамбыл Артықбаев) “Баянауыл” кітабымен толықты. Жуырда ҚР Ұлттық академиялық кітапханада осы кітаптың таныстырылымы өтті.
Байланыс және ақпарат министрлігі мен Ұлттық кітапхананың қолдауымен өткізілген кітаптың тұсаукесеріне көрнекті ақын-жазушылар, мәдениет және өнер қайраткерлері, тарихшылар, көптеген зиялы қауым өкілдері қатысты.
Қай қырымен де ерекше, топырағы асыл, талай-талай таланттарды тудырған қасиетті өлкенің арғы-бергі тарихы, осынау өңірдің барша ерекшеліктері, ел мен ердің бай шежірелері нақты деректер мен көркемсуреттер арқылы жүйелі баяндалатын кітапта өмірі Баянауылмен өзектес тұлғалар жайлы материалдар тың деректермен ұштаса өріледі. Сонау тас ғасырындағы ескерткіштерден бастап, Баянауыл өңірінің таңғажайып табиғаты, жан-жануарлар әлемі, өсімдіктер дүниесі және бүгінгі әлеуметтік-экономикалық, мәдени-рухани келбеті жайлы да нақты деректер бар.
Алғашқы таралымын 1000 данамен жарыққа шыққан бұл кітаптың тұсаукесер рәсімі барысында “Фолиант” баспасынан шыққан кітаптардың көрмесі ұйымдастырылғанын да айта кетсек дейміз.
Арай ҮЙРЕНІШБЕКҚЫЗЫ.
“Фолиант” баспасының жаңа туындысында кестеленген
Тарих – таным мен тәлімді, мәдениет пен өнерді, дәстүр мен салт-сананы, шежіре мен жәдігерлерді, ең бастысы ұлт пен ұлттылықты бір арнаға ұштастырған, бір-бірінсіз құндылық феноменін құра алмайтын асыл қазына. Тарихтың елге артқан жауапкершілігін терең сезінген тарихшылар, өлкетанушылар мен жазушылар бүгінде елдің тарихын бүтіндеп жатқандарына “Менің Отаным – Қазақстан” атты сериямен шығып жатқан кітаптар толық айғақ бола алады.
Бұл серия аясында осыған дейін “Ұлытау”, “Ойыл”, “Ерейментау”, “Қазығұрт”, “Отырар” кітаптары оқырманға жол тартса, өлкетану тақырыбындағы тарихи танымдық кітаптардың қатары енді, міне, “Фолиант” баспасынан шыққан (авторы тарих ғылымдарының докторы Жамбыл Артықбаев) “Баянауыл” кітабымен толықты. Жуырда ҚР Ұлттық академиялық кітапханада осы кітаптың таныстырылымы өтті.
Байланыс және ақпарат министрлігі мен Ұлттық кітапхананың қолдауымен өткізілген кітаптың тұсаукесеріне көрнекті ақын-жазушылар, мәдениет және өнер қайраткерлері, тарихшылар, көптеген зиялы қауым өкілдері қатысты.
Қай қырымен де ерекше, топырағы асыл, талай-талай таланттарды тудырған қасиетті өлкенің арғы-бергі тарихы, осынау өңірдің барша ерекшеліктері, ел мен ердің бай шежірелері нақты деректер мен көркемсуреттер арқылы жүйелі баяндалатын кітапта өмірі Баянауылмен өзектес тұлғалар жайлы материалдар тың деректермен ұштаса өріледі. Сонау тас ғасырындағы ескерткіштерден бастап, Баянауыл өңірінің таңғажайып табиғаты, жан-жануарлар әлемі, өсімдіктер дүниесі және бүгінгі әлеуметтік-экономикалық, мәдени-рухани келбеті жайлы да нақты деректер бар.
Алғашқы таралымын 1000 данамен жарыққа шыққан бұл кітаптың тұсаукесер рәсімі барысында “Фолиант” баспасынан шыққан кітаптардың көрмесі ұйымдастырылғанын да айта кетсек дейміз.
Арай ҮЙРЕНІШБЕКҚЫЗЫ.
Соңғы жаңалықтар
Қазақстанның 17 өңірінде найзағай ойнап, екпіні күшті жел соғады
Ауа райы • Бүгін, 00:42
