Шымкент • 19 Қазан, 2023
Шымкент донор шаһарға айнала ма?
Республиканың үшінші мегаполисі экономикалық өсім қарқыны бойынша өңірлер арасында алдыңғы орында келеді. Шаһарда іскерлік белсенділік өте жоғары. Бұл – экономикалық дамуда алға қарай жылжу бар деген сөз. Дей тұрғанмен мегаполис әлі дотациялық өңір саналады. Алушыдан беруші санатқа жоғарылау үшін не істеу керектігін тиісті сала маманынан сұрап білдік. Оған экономикалық негізгі көрсеткіштер жөніндегі статистикалық мағлұматтан кейін арнайы тоқталатын боламыз...
Құтқарушы • 19 Қазан, 2023
Олардың жұмысы қауіп-қатерге толы. Күн сайын қызмет барысында басын бәйгеге тігеді. Өйткені адам өмірі бәрінен маңызды. Сол үшін өздерін құрбан етуге бар. Әңгіме кімдер жайында екенін аңғарған боларсыздар. Әрине, құтқарушылар туралы. Құтқарушылардың кәсіби мерекесіне орай олардың күн сайынғы ерлігін жазғымыз келді. Алайда ажалмен бетпе-бет жұмыс істейтін кәсіп иелері өзін бейбіт күннің батыры деп санамайды. Олар үшін адамды құтқару – ерлік емес, міндет. Сондықтан да төтенше жағдай қызметіндегі барша мамандарға алғыстан басқа айтарымыз жоқ.
Шымкент • 17 Қазан, 2023
Жаңадан тағайындалған Шымкент қаласының әкімі Ғабит Сыздықбеков басшылықтың тізгінін қолға алғалы әртүрлі сала өкілдерімен мәселе талқылау үшін бірнеше мәрте кездесу өткізді. Алдымен ардагерлермен, сосын журналист, блогерлермен, кейін мәдениет саласының майталмандарымен жүздесті. Жуырда өткен тағы бір жиында кәсіпкерлермен кездесті.
Шымкент • 17 Қазан, 2023
Шымкентте өткен сенбілікке 60 мың адам қатысты. Мыңға жуық қала тұрғыны Фосфоршылар сарайының аумағын қоқыстан тазартты. Аталған іс-шара «Таза қала өзіңнен басталады» акциясы аясында ұйымдастырылды.
Олимпиада • 15 Қазан, 2023
Шымкент қаласы өз алдына бөлек мегаполис атанғалы үлкен спорттық додада тұңғыш рет үлкен нәтижеге қол жеткізіп отыр. Айтпақшы болғанымыз – кешегі Қытайда өткен ХІХ Азия ойындары. Осы дүбірлі жарыста Қазақстан 10 алтын, 22 күміс, 48 қола медаль еншіледі. Соның ішінде 5 алтын, 10 күміс, 11 қола медаль – Шымкенттің үлесінде. Осыншама жүлде бойынша мегаполис алтын, күміс, қоланың саны жағынан республика өңірлерінде бірінші орын алды.
Кәсіпкер • 13 Қазан, 2023
Шымкентте 2023-2025 жылдарға арналған өңдеу өнеркәсібін дамыту жоспары аясында әкімдік шетелдік инвесторлар мен трансұлттық компанияларды мегаполиске инвестиция салуға тартып жатыр.
Шымкент • 13 Қазан, 2023
«Бас жарылса – бөрік ішінде, қол сынса – жең ішінде» демекші, түрлі отбасылық, әлеуметтік кикілжіңнен туындаған дау-дамайларды сотқа жеткізбей, жұртқа жаймай шешудің жолын осы күнде медиация жақсы атқарып келеді. Түрлі этносаралық түсінбеушіліктер де арағайындық көмегімен жарияға жар салмай шешіліп кетіп жатыр. Осы үшін де медиацияның құқықтық тәртіпті қамтамасыз етудегі қызметі зор болып тұр. Сондықтан бітімгерлік кәсібінде нан тауып жүрген мамандардың құқықтық сауаттылығын арттыру, тәжірибесін шыңдау – маңызды істің бірі екені даусыз. Сол себепті медиаторлардың кәсіби біліктілігін көтеру мақсатында Шымкент қаласындағы Қазақстан халқы Ассамблеясына қарасты Достық үйінде арнайы семинар-тренинг өтті.
Шымкент • 11 Қазан, 2023
Білім көрмесінің жаңа көкжиегі
Әлемнің 60 елінің оқу орындары Шымкентте бас қосып, білім беру саласындағы жетістіктерін келушілер назарына паш етті. Университеттер үздік тәжірибелерін ортаға салып, қандай тиімді ұсыныстары бар екенін жастарға жан-жақты таныстырып берді. Әсіресе мектеп оқушылары мен студенттерге Түркия, Біріккен Араб Әмірліктері, Чехия, Оңтүстік Корея, Малайзия елдерінің университеттері мен олардың оқу жүйелеріндегі білім гранттары ерекше қызықты болды. Мегаполис төрінде өткен үлкен іс-шараға қаладағы жоғары оқу орындары мен мектептерден келген жастар мен жасөспірімдердің жалпы саны 1 мыңға жуықтады.
Зерде • 10 Қазан, 2023
Жамалбек Шаймерденов – кеңестік дәуір тұсында мемлекеттік және қоғамдық қызметтер атқарған белгілі тұлға. Ол 1963 жылы Шымкент облыстық партия комитетінің екінші хатшысы болды. Екі жылдан кейін Шымкент облыстық халық депутаттары кеңесі атқару комитетінің төрағасы болып сайланды. Осы қызметті 1983 жылға дейін атқарды. 18 жылдық жоғары лауазымдық қызметінде өңірді өркендету бағытында еңбек етіп, тер төкті. Жалпы, өткен ғасырдың 60-80-жылдарын кеңес өкіметінің алтын дәуірі десе болады. Ауыл шаруашылығы, өндіріс осы кезеңде дамыды. Осының бәрі кеңестік экономиканың өсуіне алып келді. Халықтың жағдайы түзеліп, соғыстан кейінгі қиындықтар мен тұрмыс тауқыметі адамдар санасынан ұмытыла бастаған шақ. Ел еңсесінің тіктеуіне уақытпен санаспай күндіз-түні еңбек еткен Ж.Шаймерденовтей азаматтардың бұған, әлбетте, үлесі көп болды.
Медицина • 09 Қазан, 2023
Шымкенттегі диагностикалық орталық адам ағзасындағы бүкіл ауруды анықтап беретін ең озық, заманауи медициналық мекеме саналады. Бұл орталықтың жұмыс істеп, халыққа қалтқысыз қызмет көрсетіп келе жатқанына қаншама жыл болды. Бойдағы дертті табу өте қиын жағдайға соқтырған кезде немесе кешенді тексеруді қажет еткен жағдайда науқастар дәрігерлердің жолдауымен осы орталыққа келіп ағзадағы кінәраттарды анықтап кетіп жатады.
