Жекпе-жек • 30 Қараша, 2024
Қазіргі кезде барша қазақ жанкүйері 7 желтоқсанда АҚШ-тың Лас-Вегас қаласында аралас жекпе-жектен өтетін «UFC 310» турнирін тағатсыздана күтіп отыр. Сол жарыстың басты бәсекесінде Шавқат Рахмонов жартылай орта салмақтың чемпиондық тәжі үшін Мұхаммад Белалмен күш сынасуға тиіс еді. Бірақ аяқасты денсаулығы сыр берген АҚШ спортшысы жекпе-жекке шығудан бас тартты. Сөйтіп, алтын белбеу үшін айқас кейінге шегерілді.
Спорт • 30 Қараша, 2024
УЕФА Чемпиондар лигасының эли-талық кезеңі басталды. Еліміздің жанкүйерлері биылғы ел чемпионы «Семей» мен ел кубогінің иегері «Қайраттың» ойынына баса назар аударды.
Спорт • 29 Қараша, 2024
12–15 желтоқсан аралығында Ресейдің Санкт-Петербург қаласында шайбалы хоккейден Бірінші арна кубогінің жалауы желбірейді. Жарыста еліміздің ұлттық құрамасы да өнер көрсетеді. Алғашқы матчты жерлестеріміз турнир басталған күні Беларусь елі спортшыларына қарсы өткізеді. 14 желтоқсанда ҚХЛ құрамасымен күш сынасады. Ал соңғы күні Ресей хоккейшілерімен шеберлік байқасады.
Спорт • 28 Қараша, 2024
Орта салмақта күш сынасып жүрген ұлыбританиялық Хамза Шираздың (21-0, 17 КО) екі бірдей белді нұсқа бойынша әлем чемпионы Жәнібек Әлімханұлымен (16-0, 11 КО) жұдырықтасудан бас тартқаны белгілі. Тұманды Альбион өкілі сол үшін жазаланды. Күні кеше ғана Бүкіләлемдік бокс қауымдастығы (WBO) Ширазды ТОП-15 боксшының тізімінен алып тастады.
Шахмат • 28 Қараша, 2024
Италияның Монтесильвано қаласында шахматтан кадеттер арасындағы (U8-U12) әлем чемпионаты аяқталды. Бұл жарыста еліміздің құрамасы толайым табысқа қол жеткізді.
Күрес • 27 Қараша, 2024
Арменияның астанасы – Ереванда күрес түрлерінен әскерилер арасындағы әлем чемпионаты өз мәресіне жетті. Жарыста еліміздің балуандары өте жақсы нәтиже көрсетіп, жеті жүлдеге қол жеткізді.
Спорт • 27 Қараша, 2024
Еліміздің жасөспірім дзюдошылары Грекияда өткен Еуропа кубогінде 2 алтын, 3 күміс, 3 қола медальді олжалап, жалпы командалық есепте жеке-дара көш бастады. Гүлхан Шыңғысхан (48 кг) мен Расул Мұқым (81 кг) қарсылас шақ келтірмей, жеңіс тұғырының ең биік сатысына көтерілді. Әсел Русланова (48 кг), Даниял Сейілхан (50 кг), Алтынбек Қонысбай (60 кг) финалда ұтылды. Ал Нұрдос Досберген (60 кг), Марғұлан Игілік (60 кг), Әділжан Жаудинов (+90 кг) үздік үштікті түйіндеді.
Спорт • 26 Қараша, 2024
Шағын футболдан УЕФА рейтингі жаңартылды. Қарт құрлықтың ең үздік командалары арасында еліміздің құрамасы төртінші орынға тұрақтады. Жиған ұпайымыз – 1040. Алдымызда – Румыния (1540 ұпай), Әзербайжан (1425), Сербия (1305). Сондай-ақ ТОП-10 команданың қатарына Болгария (855), Франция (815), Словакия (745), Черногория (685), Мажарстан (665), Чехия (655) еніп отыр.
Спорт • 26 Қараша, 2024
Қытайдың Чунцин қаласында мәнерлеп сырғанаудан халықаралық турнир аяқталды. Еліміздің ең үздік спортшысы Михаил Шайдоров аталған жарыста табысты өнер көрсетті.
Спорт • 23 Қараша, 2024
Арменияның астанасы – Ереванда өтіп жатқан әскерилердің әлем чемпионатында 70 кг салмақ дәрежесінде белдескен еркін күрес шебері Мейіржан Әшіров бас жүлдені олжалады. Жарыс барысында ол Ресей, Моңғолия, Иран, Үндістанның өкілдерінен басым түсті. Сөйтіп, өзінің спорттық мансабында екінші рет дәл осындай атаққа қол жеткізді. М.Әшіров осыдан сегіз жыл бұрын өткен чемпионатта да қарсылас шақ келтірген жоқ еді. Сондай-ақ Ереванда Айдос Сұлтанғали (60 кг, грек-рим күресі), Рүстем Мырзағалиев (86 кг, еркін күрес), Светлана Акинчева (50 кг, әйелдер күресі), Марина Седнева (55 кг, әйелдер күресі) қола медальды иеленді. Аталған жарыс 24 қарашада аяқталады.
