ПАВЛОДАР. 11 қаңтар. Облыстық білім беру басқармасы, «Ертіс дарыны» орталығы өңіріміздегі жоғарғы оқу орындары Сұлтанмахмұт Торайғыров атындағы университетте, педагогикалық институтта, ИнЕУ-дің ғылыми әдістемелік көмегімен жыл сайынғы оқушылардың облыстық пән олимпиадасын өткізуде. Бұл туралы «Ертіс дарыны» орталығына сілтеме жасаған egemen.kz тілшісі хабарлады.
Олимпиада орта мектептердің 9-11 сынып оқушылары арасында 15 жалпы білім беру пәндері бойынша сынақ тапсырады. Биылғы оқу жылында облыстық пән олимпиадасына 707 оқушы қатысуда. Облыстық пән олимпиадасына 3 қаладан, 10 ауданнан және дарынды балаларға арналған мамандандырылған 12 мектеп командалары, барлығы 25 команда бар. Құрамы бойынша саны жағынан ең үлкен командалар – «Жас дарын» мамандандырылған мектебі, дарынды балаларға арналған №8 мектеп-лицейі, облыс орталығы мектептерінің құрамасы.Аудандар арасында-Баянауыл, Павлодар аудандарының командалары. Олимпиаданың ең көп қатысушылары бар пәндер - ағылшын тілі-79 оқушы, Қазақстан тарихы пәнінен - 70 оқушы және биология пәнінен - 67 оқушы.
Фарида Бықай.
Дерек: egemen.kz.
Сурет: «Ертіс дарыны» орталығы.
