Қалалық ТЖД мәліметінше, 6 қыркүйек күні сағат 14:04-те өрт сөндіру қызметі Алатау ауданы, Нұрпейісов көшесі 2а мекенжайы бойынша оқиға орнына барған.
«Өрт сөндірушілер хабарлама түскеннен кейін бес минут ішінде оқиға орнына жетті. Олар келгенде үш қабатты кеңсе ғимаратының екінші қабатындағы 45 шаршы метр жер өртеніп кеткен. Өрт 14:23-те оқшауланып, 14:43-те жойылды. Құрбандар мен зардап шеккендер жоқ. Өрттің шығу себебі анықталып жатыр», делінген хабарламада.
Айта кетейік, өртті сөндіруге 14 техника мен жеке құрамның 47 адамы жұмылдырылған.
