Қазақстан • 16 Қараша, 2021

Министр автокөлік бағасының өсу себебін түсіндірді

210 рет
көрсетілді
1 мин
оқу үшін

Индустрия және инфрақұрылымдық даму министрі Бейбіт Атамқұлов Қазақстандағы автомобильдер бағасының өсуі немен байланысты екенін түсіндірді, деп хабарлайды Egemen.kz.

Министр автокөлік бағасының өсу себебін түсіндірді

«Көбісі Қазақстанда шығарылатын базалық маркаларға сілтеме жасайды, бірақ сол уақытта бағалар Қазақстанда мүлдем шығарылмайтын BMW, Mercedes, Toyota сияқты басқа маркаларға да өсті», деді Атамқұлов Үкімет отырысында.

Министрдің айтуынша, бағаның дәл осындай өсуі Ресейде, Қытай және Еуропа нарықтарында орын алған.

«Біріншіден, бұл кейінге қалдырылған сұраныстың «еңбегі». Пандемия шыңы кезінде адамдар іс жүзінде үйде отырды, банктер жұмыс істемеді. Автокөліктерге, туристік қызметтерге сұраныс төмендеді. Енді талаптар жеңілдеп, сауда қызметтері бойынша үлкен өсім байқалды. Дәл осы уақытта электронды схемалардың чиптерін жеткізу жүйесінде сұраныс пен ақау пайда болды», деп түсіндірді индустрия министрлігінің басшысы.

Ол автомобильдердің негізгі жеткізушілері – Тайвань мен Қытайға санкциялар салынғанын атап өтті.

Басқа елдердегі кейбір компаниялар өндірісті тоқтата тұрған кезде, Қазақстанда отандық автоөнеркәсіп өсуде. Министрдің айтуынша, биыл 65 мың автокөлік өндірілген.