Заң мен Тәртіп • 02 Шілде, 2025
Түркістанда 400 доза синтетикалық есірткі тәркіленді
«Шымкент – Самара» тас жолында полицейлер Land Rover көлігін тоқтатып, жолаушылардың бірінен 400-ден астам дозаға тең синтетикалық есірткі тәркіледі. Бұл туралы Ішкі істер министрлігінің ресми интернет-ресурсы хабарлады, деп жазады Egemen.kz.
Спорт • 02 Шілде, 2025
Валерий Жұмаділов: «Тарихи отаным – Қазақстанның атынан жарысқа қатысамын»
6–8 шілде күндері Алматы қаласында жеңіл атлетикадан ALATAU 2025 халықаралық турнирі өтеді. Бұл Орталық Азия кеңістігіндегі Masters (35+) және әуесқойлар (18–34 жас) санатындағы спортшыларға арналған алғашқы ірі жарыс болмақ. Әртүрлі елдерден, жастан, ұлттан жиналған жүздеген спортшы үшін бұл нағыз спорт мерекесіне айналмақ. Осы турнирге қатысатын ең шабыттандырарлық тұлғалардың бірі 64 жастағы Валерий Жұмаділов. Ол жүгірумен 50 жасында ғана айналыса бастаған, ал бүгінде жеті елдің чемпионы, Еуропа вице-чемпионы және өзінің жас санатындағы әлемдегі ең мықты спринтерлердің бірі саналады. Біз турнир қарсаңында Валерий Жұмаділовпен оның өмір жолы, отанға деген сүйіспеншілігі мен рухының мықтылығы туралы әңгімелестік. Бұл оқиға Қазақстан халқы Ассамблеясының құндылықтары - спорт, мәдениетке құрмет және адамдарды біріктіру идеясын шынайы өмірде қалай жүзеге асыруға болатынына жарқын дәлел.
Тұлға • 02 Шілде, 2025
Бүгін - Мұхтар Шахановтың туған күні
Бүгін қазақ поэзиясының ірі өкілі, ақын, жазушы, қоғам қайраткері Мұхтар Шахановтың туған күні. 1942 жылы 2 шілдеде Оңтүстік Қазақстан облысы, Леңгір ауданында дүниеге келген Мұхтар Шаханов бүгін 83 жасқа толып отыр, деп жазады Egemen.kz.
Аймақтар • 02 Шілде, 2025
Павлодарда жылу желілері жөнделіп жатыр
Келер қысқа дайындық жұмыстары Павлодар облысында қарқын ала бастады. Павлодар және Екібастұз қалаларындағы тозығы жеткен жылу желілерін жөндеуге Үкімет резервінен 3,8 млрд теңге бөлініп отыр. Бұл туралы тиісті Қаулыға Премьер-министр Олжас Бектенов қол қойды, деп жазады Egemen.kz.
Заң мен Тәртіп • 02 Шілде, 2025
Астанада кассациялық соттар ашылды
Елордада Жоғарғы Сот Төрағасы Асламбек Мерғалиев пен Президенттің құқықтық мәселелер жөніндегі көмекшісі Ержан Жиенбаевтың қатысуымен кассациялық соттың салтанатты ашылу рәсімі өтті, деп жазады Egemen.kz.
Өнер • 02 Шілде, 2025
Біз білетін күйді байырғы бабаларымыз «күк» деп атап, оны Тәңірмен тілдестіретін дәнекер деп ұқты. Бұл дерек Махмұт Қашқаридің «Түрік сөздігінен» тиянақ тапқан. Осы арқылы бүгінгі қоғам азаматы сөздің он ғасыр бұрын қалай дыбысталғанын аңғарады. Ал «күк» деп аталатын сол әуеннің өзі ілкі құлаққа қалай жеткен екен? Қаһарлы ханның қабағын түсірген қаралы хабар қандай болды? Қашқаридің қадым кітабындағыдай сөздің ғана емес, үннің де транскрипциясын жасау мүмкін бе? Мәселен, ол дыбыс қоңыр ма, ащы ма? Жоқ, әлде ашық па, бітеу ме? Бұл бір келешектен естелік, өткен шақтан жаңалық іздеу секілді білім мен түйсікке құрылған тұңғиық таным жолы. Сол жолда қазақ музыкасының мүмкіндігін кеңейтіп, әлеуетін арттырып жүрген бір топ өнерпазды кездестірдік. Олар – тарихи аспаптарды қайта жаңғыртып жүрген «Жошы» фольклорлық ансамблі.
Кино • 01 Шілде, 2025
Астанаға голливуд жұлдыздары келеді
Орталық Азиядағы ең ауқымды мәдениет фестивалі – Comic Con Astana 2025 биылғы шілдеде бұрын-соңды болмаған ауқымда өтпек. 9–13 шілде аралығында «Астана Арена» мен «Барыс Арена» алаңдарында бір уақытта ұйымдастырылатын іс-шара аясында әлемдік поп-мәдениет жұлдыздары, YouTube-контентмейкерлері мен косплей әртістері бас қосады. Биылғы фестивальдің басты жаңалығы – голливудтың үш бірдей жұлдызының келуі, деп жазады Egemen.kz.
Қоғам • 01 Шілде, 2025
Халық ең тығыз қоныстанған өңірлер анықталды
2025 жылғы 1 маусымдағы жағдайға сәйкес еліміздегі халық саны 20 370 672 адамға жетті. Бұл туралы Ұлттық статистика бюросы мәлім етті. Жыл басынан бергі өсім 87,2 мың адамды құрап отыр. Оның ішінде негізгі үлес – 80 мың адам табиғи өсімнің (туу мен өлімнің арақатынасы) есебінен болса, қалған 7,2 мың адам көші-қон аясында тіркелген, деп жазады Egemen.kz.
Саясат • 01 Шілде, 2025
Трамп: «Дүкеніңді жап та, Оңтүстік Африкаңа қайт»
АҚШ Президенті Дональд Трамп пен әйгілі кәсіпкер Илон Маск арасындағы риторикалық қақтығыс жаңа қарқын алып отыр. Бұған себеп – Сенат қарауындағы шығындар мен салықтарға қатысты заң жобасы. Маск бұл құжатты «ақылға қонбайтын» және Республикалық партия үшін «саяси суицид» деп бағаласа, Трамп оған жауап ретінде: «Дүкеніңді жап та, үйіңе – Оңтүстік Африкаға қайт» деп шүйлікті, деп жазады Egemen.kz.
Қоғам • 01 Шілде, 2025
Қаражат қолданылмаса зейнетақы түсімі тоқтатылады
Соңғы күндері ел ішінде «зейнеткерлер шотынан ақша шешпесе, зейнетақы түсімі тоқтатылады екен» деген әңгіме айтыла бастады. Бұған себеп – Петропавл қаласында орын алған оқиға. 72 жастағы зейнеткердің үш ай бойы банктегі карточкасын пайдаланбауы салдарынан төлем тоқтап қалған. Осы жағдай жұртшылық арасында алаңдаушылық туғызды, деп жазады Egemen.kz.
