Қоғам • 27 Маусым, 2022
Құмар ойынға құныққандар елімізде 350 мыңнан асады
Құмар ойындардан келетін қауіп үлкен екені талай айтылып жүр. Мұндай ойын түрі заман құбылған сайын түрленіп, зияны да ұлғайып барады. Оған құныққан адам қоғамнан біртіндеп ажырап, өзгелермен байланыс орнату, тілдесу, тұлға ретінде даму секілді адами қасиеттерін жоя бастайды. Лудомания, яғни ойынға тәуелділіктің дүниежүзінде ауру ретінде қарастырылып, осыған байланысты арнайы медициналық терминнің енгізілуі де тегіннен тегін емес. Қазір Қазақстанда орта есеппен 350 мың адам құмар ойынның құрбанына айналса, олардың орташа қарызы 10 млн теңгеден асады. Ал елімізде 10 жұптың 7-еуі құмар ойынның кесірінен ажырасады екен.
Қоғам • 24 Маусым, 2022
Шеберлікті шыңдаған медиамарафон
«Жазғаны – жақұт, жегені жантақ» журналистер қауымының кәсіби мерекесіне де санаулы күндер қалды. Үкіметтің қаулысымен арнайы бекітілген 28 маусым – бұқаралық ақпарат құралдары күніне орай ұйымдастырылған іс-шаралардың алғашқы легі де басталып кетті. Осыған орай «Назарбаев Зияткерлік мектептері» (NIS) дербес білім беру ұйымы алғаш рет республикалық медиамарафон өткізді.
Экономика • 20 Маусым, 2022
Әр көліктің қозғалтқыш көлеміне қарай салығы да әртүрлі екені белгілі. Қозғалтқыш көлемі ұлғайған сайын салық та көп болады. Ал көліктердің ішінде лимузинге салық қалай есептеледі? Бұл туралы Қаржы министрлігі Мемлекеттік кірістер комитетінің мамандары түсіндіріп берді.
Қоғам • 19 Маусым, 2022
Мемлекет қамқор болса, медицина сапалы болады
Бала кезімізде мұғалім мен дәрігерден артық мамандық жоқтай көрінуші еді. Ал қазіргі балаларға мұғалім не дәрігер бол десең, ат-тонын ала қашады. Адамзатқа ең қажетті екі мамандықтың еліміздегі қадір-қасиетін осыдан-ақ бағамдайсың. Қазір қайта мұғалімдердің мәртебесі айқындалды, әлеуметтік жағдайы да жақсарды. Есесіне дәрігердің статусы мен жағдайын әлі күнге жақсарта алмай отырмыз. Медицина саласының сапасы да сын көтермейді.
Қоғам • 17 Маусым, 2022
Орташа жалақы көлемі – 285 мың теңге
Ресми статистика бойынша жыл басындағы Қазақстандағы орташа айлық жалақы 285 мың теңге болды. Әрине, айлығы шайлығына әрең жететін халық бұған сенгісі жоқ. Бірақ Орталық коммуникациялар қызметі алаңында өткен брифингте Ұлттық экономика министрі Әлібек Қуантыров елімізде орташа айлық көлемі расымен сондай деңгейде екенін нақтылап айтты.
Экономика • 15 Маусым, 2022
Жалған инвестициялаудың жаңа кейстері
Бүгінде заман ағымына сай алаяқтықтың да түр-пішіні өзгерген. Жұртшылық көп уақытын әлеуметтік желіде өткізетінін біліп алған әккі қулар қазір интернет арқылы алдап-арбауды жақсы меңгерген. Желілерде жылтыңдап шығып қоймайтын «Табыстылардың қатарына қосылғыңыз келе ме?», «Метромен жүресіз бе, әлде өзіңіздің жекеменшік көлігіңізбен жүргіңіз келе ме?», «Демалысыңызды қайда өткізесіз: саяжайда ма, шетелде ме?» деген сияқты жарнамалар – соның куәсі.
Қоғам • 14 Маусым, 2022
Ең қауіпсіз көлік қайсы десе, жұртшылықтың есіне бірден пойыз түсері анық. Шынтуайтында, олай емес. Ең қауіпсіз болып саналатыны – аспан көлігі, яғни ұшақ. Одан кейінгі орында – құрлық көліктері, содан кейін ғана пойыз. Ал жеңіл автокөліктердің ішінде қауіпсізі қайсы? Мамандардың зерттеулеріне үңіліп көрейік.
Технология • 13 Маусым, 2022
Заман талабына сай қазіргі таңда әлем бойынша ІТ-саласына сұраныс үлкен. Қазақстан да ақпараттық технология ағымынан қалыспай, технопарктер құру, мамандар даярлауға ерекше ден қойып жатыр. Президенттің елімізде 100 мың IT-маман даярлау жөнінде арнайы тапсырмасы да бар. Жақында Цифрлық даму, инновациялар және аэроғарыш өнеркәсібі министрлігі инновациялық экожүйе мен IT-саланы дамыту мәселелерін кеңінен талқылады.
Қоғам • 10 Маусым, 2022
Ақылы автотұрақ: Пайда таба ма, қалтаны қаға ма?
Ірі қалаларда көлік кептелісі – үлкен мәселе. Жол қозғалысын реттеп, көшелердегі кедергілерді азайту үшін әртүрлі инфрақұрылымдық жобалар қолға алынып келеді. Соның бірі – ақылы автотұрақтар жүйесін енгізу әдісі. Урбанистер жобаның бұл түрін қозғалыс трафигін реттеудің дәлелді тәсілі деп санайды. Әлемде XX ғасырдың ортасына таман пайда болған ақылы тұрақтар қазіргі таңда халықаралық тәжірибе ретінде кеңінен қолданылады. Ал Қазақстанда бұл жүйенің тарихы сонау 1996-1997 жылдардан бастау алады. Бірақ алғашқы жобалар сәтсіз аяқталды. Кейін автоматтандырылған ақылы автотұрақтар алдымен екі шаһар – Алматы мен Нұр-Сұлтанда пайда болды.
Қаржы • 01 Маусым, 2022
Қаржы тапшылығы қажытпасын десек
«Табысының кемінде оннан бір бөлігін өзіне және отбасының болашағына жинайтын адамның басына түбінде байлық қонады». Бұл – әлемдік экономикалық әдебиеттің классикасына айналған әйгілі «Вавилондағы ең бай адам» кітабының авторы Джордж Клейсонның сөзі. Расымен отбасылық әмиянды сауатты жоспарлаудың өзі – үлкен өнер. Дамыған елдерде қаржы сауаттылығына баулу, соның ішінде ақшаны үнемдеуге, оны ұқсатып жұмсауға және бюджетті жоспарлауға жастайынан тәрбиелейді. Ал бізде бюджеттің өзі жабық тақырып деңгейінде.
