Басылым • 09 Қазан, 2025
Президент архивінде ХХ ғасырдағы ірі мемлекет және қоғам қайраткері Нығмет Нұрмақовтың өмірі мен қызметіне арналған «Нығмет Нұрмақов. Құжаттар мен материалдар» атты тарихи-құжаттық жинақтың тұсаукесері өтті. Кітапта оның реформаторлық қызметі, елді индустрияландыруға қосқан үлесі және отбасылық трагедиясы архив деректері негізінде көрсетілген.
Сұхбат • 08 Қазан, 2025
«Ұлттық жоба дәстүрді жаңғыртып, рухты шыңдайды»
Жуырда «Amanat» партиясының қолдауымен Қостанай облысының Торғай аумағында Алаш арысы Міржақып Дулатұлының 140 жылдығы және Қазақстан халқы Ассамблеясының 30 жылдығы аясында халықаралық «Ұлы дала жорығы» марафон-бәйгесі өтті. Айтулы шараға елімізден және шетелден 18 команда қатысып, 90 жүйрік бағы мен бабын сынады. Торғайдан бастау алған жорық Арқалық қаласына ат басын тіреді. Жол қашықтығы – 500 шақырым. Бірінші орынды бауырлас қырғыз елінің командасы алса, екінші орынды Ақтөбе облысының командасы, ал жүлделі үшінші орынды Қостанай облысының командасы еншіледі.Осы дүбірлі дода туралы республикалық «Joryq» ат спорты федерациясының құрметті президенті, Парламент Сенатының депутаты Дархан Қуандықұлы Қыдырәлі мырзамен сұхбаттасқан едік. Жорық жайы туралы сол сұхбатты назарларыңызға ұсынамыз.
Ең қысқа әңгіме • 26 Қыркүйек, 2025
Пойызға отырдық. Жолаушы көршілерім орындарына жайғасып жатыр. Әлі екі орын бос. Міне, олардың да иелері келді. Бірі – бойы тым пәкене, иығы қушиыңқыраған. Реңі әжептәуір. Қой көзі ойнақшыған, жүзі жылы, шашы тықыр, жас шамасы қырықтан едәуір асқан жігіт. Екіншісі – ұзын бойлы, мойны жуан, иықты, аяқ-қолы балғадай, ұзын етек көйлек киген, басына қызғылтсары, жылтырақты орамал тартқан, сығырайыңқыраған қара көзді, жалпая біткен мұрны дөңгелек жүзіне жарасыңқы, маңдайы кең, сыртқы пошымы егер еркекше киінсе ер-азаматқа ұқсап қалары даусыз, жасы әлгі жігітпен қарайлас қарапайым келіншек. Бойларына қарап ерлі-зайыптыға ұқсатпадым. Бұлардың сөмкелерін көтерісіп, шығарып салуға келген бойлары теректей, жаурындары қақпақтай екі бозбала олармен құшақтаса қоштасты да, бізге де сәтті сапар тілеп шығып кетті.
Таным • 10 Қыркүйек, 2025
Қазақ «Алдыңа келсе, атаңның құнын кеш...», дейді. Осы бір мәтелден-ақ ұлтымыздың кеңдігін, мәрттігін көруге болар. Тереңіне үңілсең, әрқилы түсінікке, парасат-пайымға жетелейтін бұл нақылдың негізгі өзегінде алдыңа кінәсін мойындап, басын иіп кешірім сұрай келгенге бар мүмкіндігінше, өзіңе ауыр тисе де, жүрегің қаламаса да кешірім беруге тырыс, кеңдік жаса деген ишарат, талап, өтініш жатыр. Ал мұның арғы астарында ауызбірлікке, татулыққа үндеу, бірлікті бекемдеу, ағайын арасын алыстатпау сынды ізгі мақсат, тілек менмұндалайды. Қош, солай делік. Ал кінәлі өз айыбын білмесе, айыпкер бола тұра алдыңа келмесе ше?..
Әлем • 05 Қыркүйек, 2025
Бейжің төріндегі қазақ орталығы
Бейжіңде Қазақстанның алғашқы мәдени орталығы ашылды. Бұл – әзірге шетелдегі жалғыз қазақстандық орталық. Салтанатты рәсімге Президент Қасым-Жомарт Тоқаев, Мәдениет және ақпарат министрі Аида Балаева, ҚХР Мәдениет және туризм министрі Сунь Ели, екі елдің дипломаттары мен зиялы қауым өкілдері қатысты.
Пікір • 04 Қыркүйек, 2025
Дастарқан басы. Ортақ әңгіме туындай қойған жоқ. Сол сәтте төрде қатар отырған екі кісінің өзара әңгімесін бәріміз еркін естіп отырдық.
Мирас • 04 Қыркүйек, 2025
Түркістан облысындағы Созақ және Көктөбе ауылдарының дәл ортасында Жақ деп аталатын төбешік орналасқан. Жұрт мұны Жақтөбе деп атап кеткен. Осы төбенің үстіндегі шағын ғана аумақты алып жатқан қорымның шығыс тұсында өз алдына оқшаулау орналасқан үш төмпешік – үш қабір жатыр. Мұның екеуінде Досымет Шаяхметов пен оның немересі жерленген. Ал үшіншісі Досымет қарияның «Господин» деген жүйрігінікі.
Зерде • 28 Тамыз, 2025
Бала мектепті тәуір-ақ оқыған. Бірақ ұлттық бірыңғай тестілеуден төмен балл жинап қалды. Мұнымен мемлекеттік грант жалын да сипатпасы белгілі. Бұған ренжіңкіреген әкесі «Осы жұрттың баласы...» деп әңгіме бастағалы отырды да, райынан қайтты. ҰБТ-дан жоғары балл иеленіп, танауы делдиіп жүрген пәленшенің, түгеншенің баласын мақтап, өз перзентін тұқыртқысы келмеген.
Ең қысқа әңгіме • 26 Тамыз, 2025
Телефон қоңырауы соғылды. Белгісіз нөмір. Сәл кідіріңкіреп барып, телефонға жауап берді. Арғы жақтан қарлығыңқы дауыс шықты. Телефон соққан ауылда тұратын, көптен бері хабарласпай кеткен туысқан ағасы екен.
Айтыс • 25 Шілде, 2025
Жақында Ақтау қаласында республикалық командалық ақындар айтысының финалы өтті. Бұл шешуші сында Қарағанды мен Түркістан облыстарының өнерпаздары бақ сынады. Көрермен көңілін тербеген, рух пен ұлт мұратын жырмен өрген сайыста екі облыс та командалық айтыстың жеңімпазы атанды. 2024 жылдың наурыз айында шымылдығын түрген бұл ауқымды жобаның мақсаты не? Жоба ұлттық өнерге деген жаңаша көзқарастың қалыптасуына мұрындық бола алды ма? Осы сауалдар бойынша «Amanat» партиясы Орталық аппараты Саяси жұмыс департаментінің директоры, айтыс жанашыры Еркебұлан Жаулыбаевпен сұхбаттасқан едік.
