Құқық • 05 Қараша, 2023
«Qnet»-ті ұйымдастырушы сотталды
Ақтөбе қаласының №2 сотында қаржы пирамидасын құру және оған басшылық ету, қылмыстық жолмен алынған қаржыны заңдастыру айыбымен ақтөбелік келіншекке қатысты қылмыстық іс қаралды.
Еңбек • 04 Қазан, 2023
Өткен жылдың аяғында жергілікті маңызға ие Орқаш орман және жануарлар дүниесін қорғау мекемесі құрылды. Бұл – Ақтөбе облысында сегізінші болып құрылған табиғат қорғау мекемесі. Оған Темір орман шаруашылығынан 57 469 гектар жер бөлініп, мекеме кеңсесі Мұғалжар ауданының Қаракөл ауылында орналасатын болды.
Руханият • 02 Қазан, 2023
«Темір наркомның» соңғы күндері
ТҮРКСОЙ ұйымының шешімімен 2023 жыл мемлекет және қоғам қайраткері Темірбек Жүргенов жылы болып жарияланған-ды. Осыған орай қазақ және Кіндік Азия мемлекеттерінің оқу-ағарту саласы мен мәдениетін дамытуға өлшеусіз үлес қосып, 39 жасында сталиндік қуғын-сүргін құрбаны болған көрнекті тұлғаның 125 жылдығы Ақтөбеде аталып өтті. Іс-шараға Алматыдан Ұзақбай Құлымбетовтің қызы, Қазақстанның еңбек сіңірген қайраткері, ардагер ұстаз Орынша Қарабалина-Қазыбаева, жазушы Зейнеп Ахметова арнайы келді. Ақтөбе қаласындағы Ұзақбай Құлымбетов атындағы №64 және Бауыржан Момышұлы атындағы №62 мектептерде «Баукеңнің тәлімі» тақырыбында оқушылардың Орынша және Зейнеп апайлармен кездесуі өтті. Ырғыз ауданында осы топырақтан өнген үш арыс –Телжан Жаманмұрынов, Ұзақбай Құлымбетов, Телжан Шонанұлына арнап ас берілді.
Зерде • 14 Қыркүйек, 2023
Темір ауданы Шилісу өзені бойында ХІХ ғасырдың соңында Ақтөбе өңірінде бірнеше жерден мешіт-медресе салған көрнекті рухани ұстаз, дін қайраткері Досмұхамед (Досжан) ишан Қашақұлының мемориалдық кешені ашылды. Еліміздің батыс өлкесінде діни-ағартушылық қызметпен айналысып, елге ұстаз бола білген жүздеген хазірет, ахун, ишан есімдері отарлау кезеңінде тасада қалды.
Табиғат • 15 Мамыр, 2023
«Ырғыз-Торғай» резерваты – сирек аң-құс сақтайтын мекен
Ырғыз-Торғай табиғи резерватын мекендейтін Бетпақдала киіктерінің саны былтырғы санақта 489 мың басқа жеткен. Қазір осы түз жануарының аналықтары резерваттың Қосбүйрек, Атанбасы деген жерлерінде төлдеуді бастады.
Мәселе • 06 Сәуір, 2023
Ескі бөгеттер есепке алынуға тиіс
Мемлекет басшысы Қасым-Жомарт Тоқаев жаңадан сайланған Парламенттің бірлескен отырысында еліміздегі судың 65 пайызы ауыл шаруашылығы саласына жұмсалатын болса, соның 60 пайызға жуығы құмға сіңіп кететінін ашық мәлімдеді. Мұндай ысырапшылдықтың жолын кесу үшін жаңа тариф саясатына көшу керек. Әйтпесе алдағы уақытта ахуал күрделене түспек.
Жәдігер • 02 Сәуір, 2023
Осыдан бірнеше жыл бұрын Ақтөбе қаласының солтүстік белдеуінде, Елек өзеніне таяу жерде құрылыс жұмыстары кезінде ғұн заманы жауынгерінің обасы табылды.
Тарих • 29 Наурыз, 2023
Ақтөбе облысының мәдени-тарихи мұрасын зерттеу және сақтаудың өзекті мәселелері еліміздің және шетелдік бірқатар тарихшының қатысуымен өткен жиында талқыланды. Президент тапсырмасымен ел тарихының жаңа тұжырымдамасы бекітіліп, жеті томдық Қазақстан тарихы қайта жазылғалы тұрған қазіргі уақытта тарихшыларымызға «Қазақстан –Еуразия құрлығындағы ежелгі өркениетті жасаған ел» концепциясын даярлап шығу міндеті қойылды. Даламызда бірнеше мыңдаған жыл бұрын ежелгі адамдар қолымен тұрғызылған ескерткіштер құрып кетудің алдында тұрған қазіргі тұста осы дүниелерді түгендеу геосаясаттағы қадамдарымыз үшін де маңызды.
Аймақтар • 19 Шілде, 2021
Ырғыз ауданының төрт түлігі ащы су ішуге мәжбүр
Ақтөбе облысының Байғанин, Ырғыз, Шалқар аудандарының шаруашылықтары биылғы жазда аптап ыстық пен қуаңшылықтың зардабын әбден сезінді. Әсіресе Ырғыз ауданының Аманкөл, Тәуіп, Жайсаңбай ауылдық округтерінің елді мекендері мен шаруа қожалықтарына мал суару қиынға түсті. Қыста ылғал мөлшері аз, көктемде жауын-шашын болмай, сәуірде Ырғыз өзені тасымады.
Тарих • 07 Шілде, 2021
Ескілік пен естіліктің арасы: Ырғыздан Ырғызбайға дейін
Өлкетанушы, кәсіпкер, мектеп мұғалімдері мен оқушылары, мемлекеттік қызметкерлер мен еңбек ардагерлерінен құралған топ «Ырғыздан Ырғызбайдың еліне» атты сапарға шығып, Шығыс Қазақстан облысы Абай ауданын көктей, Шыңғыстау баурайындағы қасиетті орындарды аралады. Ырғыз ауданы азаматтары Абайдың 175 жылдығына орай жоңғар шапқыншылығы заманында Ырғыз өзені бойында өмір сүрген Құнанбай Өскенбайұлының ұлы атасы Ырғызбай ауылының көш жолымен жүріп өтуді өткен жылы жоспарлаған. Індеттің кесірінен сапар кейінге шегеріліп, биылғы маусымның соңында ғана Абай еліне жол түсті.
