Ғалым СҮЛЕЙМЕН
Ғалым СҮЛЕЙМЕН«Egemen Qazaqstan»
3790 материал табылды

Күрес • 29 Мамыр, 2025

Жамбылдық жампоздардың жетістігі

Астанада еркін күрестен ел кубогі өз мәресіне жетті. Биыл күзде Загребте жалауы желбірейтін әлем чемпионатының жол­да­­малары сарапқа салынған жарысқа Нұрқожа Қайпанов пен Ризабек Айтмұханнан басқа балуандардың барлығы қатысты.

Спорт • 29 Мамыр, 2025

Жарыс күнделігі: жүзу

Танымал спортшы Әділбек Мусин Францияның Кан-ан-Руссийон қаласында ұйымдастырылған халықаралық турнирде екі рет жеңіс тұғырына көтерілді. 50, 100 метрге баттерфляй әдісімен жүзуде қандасымыз күміс медаль иеленді.

Спорт • 28 Мамыр, 2025

Кий ұстаған көп ардагер

Алматыдағы «Парасат» орталығында ардагерлер арасында бильярдтан халықаралық турнир өтті. Жарыс белгілі инженер, «Құрмет» орденінің иегері, Талдықорған қаласының Құрметті азаматы, республикалық Бильярдшылар одағының президенті Жақсықұл Мырзахметұлының құрметіне арналды.

Спорт • 27 Мамыр, 2025

Майк Тайсон мен Федор Емельяненко Қазақстанда күш сынасады

Атағы жер жарған кәсіпқой боксшы Майк Тайсонның жасы 58-ден асса да, әлі де жұдырықтасып жүргені белгілі. Соңғы рет ол былтырғы жылдың қараша айында америкалық актер, блогер, шоумен Джейк Полмен күш сынасты, деп жазады Egemen.kz.

Спорт • 27 Мамыр, 2025

Еркін күрестен Қазақстан кубогінің иегері анықталды

Астанада еркін күрестен Қазақстан кубогы өз мәресіне жетті. Биыл күзде Загребте жалауы желбірейтін әлем чемпионатының жолдамалары сарапқа салынған жарысқа Нұрқожа Қайпанов пен Ризабек Айтмұханнан басқа балуандардың барлығы қатысты. Ұлттық құрама бапкерлері дүниежүзілік додаларда дараланған дүлдүлдерге жеке бағдарлама бойынша даярлануларына рұқсат беріпті, деп жазады  Egemen.kz.

Спорт • 27 Мамыр, 2025

Жарыс күнделігі

Францияның Страсбург қаласында өткен «WTA 500» турнирі еліміздің бірінші ракеткасы Елена Рыбакинаның жарқын жеңісімен аяқталды. Жүлде қоры 925 661 еуроны құраған жарыстың бастапқы бәсекелерінде Ван Синьюй (Қытай) мен Магда Линетті (Польша) ұтқан ол жартылай финалда Беатрис Хаддад Майяны (Бразилия) жеңді. Финалда жерлесіміз әлемдік рейтингте 19-орында тұрған Людмила Самсоноваға 6:1, 6:7, 6:1 есебімен сан соқтырып, бас жүлдемен қатар, 142 610 еуроны қоржынына салды.

Спорт • 27 Мамыр, 2025

Саңлақ самбошы еді...

Күні кеше Семей өңірінен «50 жасқа қараған шағында Қайрат Күнсафин бақилық болды» деген суық хабар жетті. Өткен ғасырдың тоқсаныншы жылдары ол еліміздің ең белді самбошылардың санатында еді. Әуелі жасөспірімдердің, одан кейін жастардың әлем чемпионатында бас жүлдені олжалап, көптеген халықаралық жарыстардың жеңімпазы атанды. Бірақ нағыз жалындап тұрған шағында Қайрат өкпе дертіне шалдығып, үлкен спортан қол үзді. Десек те арманы асқақ жігіт қиындыққа мойыған жоқ. Оны өзіне берілген сынақ деп қабылдады. Керсінше, қайта қатарға қосылу үшін барынша күресті. Ақыры жаман аурудан арылғаннан кейін бауыры ыстық боз кілемге қайта оралды. Жай оралып қана қоймай, ересектер дуында өзін түбегейлі мойындатты. Күнсафин ел чемпионы атанып, әлем чемпионатында қола медальді мойнына ілді. Сөйтіп, кейіпкеріміз адамның мүмкіндігі шексіз екенін тағы бір дәлелдегендей болды.    

Спорт • 24 Мамыр, 2025

Жарыс күнделігі

Кирилл Герасименко үстел теннисінен Дохада өтіп жатқан әлем чемпионатының 1/16 финалында жеңіліс тапты. Алғашқы екі айналымда сингапурлық К Чю мен жапониялық Хироко Шинозутаға шаң қаптырған отандасымыз 1/16 финалда Бразилияның беткеұстар ойыншысы Уго Кальдераноға 2:4 есебімен есе жіберді.

Спорт • 23 Мамыр, 2025

Сингапурдан 11 жүлдемен оралды

Сингапурда көркем гимнастикадан қыздар ара­сындағы Азия чемпионаты аяқталды. Жа­рыс­та еліміздің құра­масы өте жақсы нә­тиже көрсетіп, 11 жүлде олжалады.

Теннис • 23 Мамыр, 2025

Ролан Гаррос басталады

25 мамырда Парижде «Үлкен дулыға» санатындағы турнир­лердің бірі – Ролан Гаррос басталады. Жүлде қоры 56 352 000 еуроны құраған байрақты бәсекеде әлемнің ең үздік тен­нисшілері бақ сынайды. Солардың қатарында еліміздің де өкілдері бар. АТР мен WTA рейтингінде ТОП-100-дікке еркін енген Александр Бублик (АТР №73), Александр Шевченко (№92), Елена Рыбакина (WTA №11), Юлия Путинцева (№24) турнирдің негізгі бөлігіне бірден жолдама алды.