Сұхбат • 11 Ақпан, 2024
Әлібек Асқаров, жазушы: «Терең білім – кітапта!»
Әлібек Асқаров прозасы – оралымды тілімен, біраз уақыт санаңды санға бөлер қою атмосферасымен таныс. Жазушының біз байқаған өз болмысы – көңілдегіні көзден ұғар қырағы, кең. Жақында қаламгермен арнайы әңгімелескен едік.
Поэзия • 08 Ақпан, 2024
Жаңа ашылған кіші ғаламшардың біріне 1983 жылы Есенин есімі берілгені айқын. Ақын ғаламшары – жан құбылысының жарықшақтарына толы тылсым дүние. Онда елеусіз саналған көзге көрінбес, қолға ұсталмас киелі ұғымдар жұлдызды тонын жамылған. Алуан түстер айдыны түпкі мәнге жалғасып, түнеу бір күнгі тұмандай уызданып, қаймақтанып тұрады. Ендеше, Мұқағали атты жұмбақ ғаламшардың бірнеше шұңғыл бедеріне сапар шегелік.
Таным • 06 Ақпан, 2024
Тарих ақиқат жағында дүр. Оны бұрмаламақ ниеттілер Алтын Орда тарихын бізден тыс қарауға талпынды. Алайда жалғандықта жанды өмір болмасы анық. Араб тарихшысы әл-Омари ежелгі Ордамыз хақында: «Ертеден бұл қыпшақтар елі болатын. Кейін татарлар қыпшақтармен араласып, туыстасып кетті» деп жазады. Қыпшақ елінің тағы бір дәлелі, оның оғыз-қыпшақ тілінде жазылған әдебиеті. Хорезмидің «Мұхабатнамасы», Құтбтың «Фархад-Шырыны», Дүрбектің «Жүсіп-Зылиқасы».
Әдебиет • 31 Қаңтар, 2024
Эпиграмма жанрының алғашқы шеберлері антикалық гректің Симонид Кеосский, Асклепиад, Мелеагр сынды ақындары болған деседі. Әйгілі Байронның ақсүйектерді сықақ еткен шумақтары оның елінен біржола кетуіне себеп болды. Ал Байронға еліктеген Пушкин усойқы эпиграммалары салдарынан жапа шегіп, талай мәрте дуэльге түсті.
Әдебиет • 29 Қаңтар, 2024
Қанша оқысақ та айызымыз қанбас, үнемі жаңалық табар екі дастан болса, бірі – «Гилгамеш туралы дастан». Алтайдан үдере көшкен түркінің басы шумерлер деп болжалдасақ, дастандағы қаһарман қос батыр тұрқы ұлы даланы еске салады. Тіпті қазақ жырларымен үндестігі менмұндалайды.
Әдебиет • 22 Қаңтар, 2024
Толстой болмысы – әрдайым ілгері жылжып отыратын ағын судай күрделі құбылыс. Данышпан өмірінің соңын суреттеген Ромен Роллан: «Соғыс аяқталды. Ол 82 жылға созылды және Толстойдың өмірі оның ұрыс алаңы болды» деп түйеді.
Мәдениет • 17 Қаңтар, 2024
Тұс киіз ілінген аядай бөлме төрінде домбыра тұратын. Үнсіздікке оранған жұмбақ бұйым біздерге ертегі ішіндегі көңілсіз кейіпкердей елес беретін. Қиянда адасқан жолаушыдай мұңлы, кең дүниенің кетігін іздеп аласұрған жастай күңіренгіш. Сөзі аз, сезімі көп.
Руханият • 15 Қаңтар, 2024
Көзі тірісінде-ақ ерен еңбегі еленіп, халық көсеміне айналған Дінмұхамед Қонаевтың орны бөлек. «Құдайдың сүйген құлы сол емес пе, Кемеңгер ұл Қонаев Дінмұхамед» деп ақындар жырға қосса, жұртшылықтың «Димекең», «Димаш аға» деп еркелетіп атауы сом тұлғаның ел жүрегінен елеулі орын алғанының айнымас айғағы.
Әдебиет • 15 Қаңтар, 2024
Жазушы Гюстав Флоберден «Бовари ханым» кім?» деп сұрағанда «Бовари ханым – мен» деген-тін. Шын мәнінде, жазушы кім жайлы қалам тартса да, өзін жазады. Жан ойпатына түскен сан түрлі даму үрдісіндегі шашылған қиындыларды бейнелеп қағазға құяды.
Сұхбат • 11 Қаңтар, 2024
Бексұлтан Нұржекеұлы: Рух шындықта ғана болады
Бексұлтан Нұржекеұлы – замандастарымыздың санасына тоқылған есім. Адам жанының тереңіне бойлап, нәзік иірімдеріне батырар сыршыл жазушының үйінде болдық. Жақында алған «Халық жазушысы» атағымен құттықтап, ілтипат білдірдік. Қаламгердің денесі сергек, бойы тік. Сексеннің сеңгіріне шықса да, шүйілген қырандай әр сөзді анықтап, арындап сөйлейді. Бірде құйындай құдіреттеніп, бірде құмырсқадан әлсіз күйде жанарына жас үйіреді. Жанының түбінен тазалық атты тұмса қоңыраудың үні естілердей.
