Тәрбие • 12 Маусым, 2024
Күн сайын емес, тіпті сағат сайын да емес, сәт сайын Жер шарының тұрғындары тастайтын тұрмыстық қалдықтардың нақты есебі жоқ екені белгілі. Есесіне осы мәселені түпкілікті зерттеп жүрген мамандар әлем мұхиттарында 170 триллиондай пластик бөлшектері қалқып жүргенін мәлімдеген еді. Мәселен, дүниежүзінде 1950-жылдан бері жылдық пластик өндірісі 0 деңгейінде болса, 2017 жылы бұл көрсеткіш 335 миллион тоннаға дейін көтерілген.
Алматы • 11 Маусым, 2024
Дәл осы күндері әлемге әйгілі Netflix платформасы Қырғызстан мен Қазақстан елдерінің көрікті мекендеріндегі reality travel show түсірілімдерін аяқтап қалды. Netflix-тің осынау таңдауы – елдің танылуы мен туристік әлеуетін арттыруға ықпал ететін маңызды оқиға, тіпті олжа десе болады.
«Таза Қазақстан» • 11 Маусым, 2024
«Дала тазармай – сана тазармайды» деген осы, «Таза Қазақстан» республикалық акциясы аясында ашылған алғашқы экохаб алматылықтарға қоқысқа лақтырылатын тұрмыстық қалдықтарды кәдеге жаратуды үйрете бастады десек те болады.
Алматы • 08 Маусым, 2024
Қазіргі таңда Алматы қаласының тұрғындары үй, пәтер сатып алмай тұрып білуге тиіс бірқатар мәселе бар. Мегаполисте заңды белінен басып салынған құрылыс нысандары бар болғандықтан, билік жылжымайтын мүлікті сатып алуға ұсынылмайтын тұрғын үй кешені тізімін қайта-қайта толықтыруға мәжбүр. Ал қала құрылысын бақылау басқармасы дәл осы күндері бұл тізімдегі тұрғын үй кешендерінің саны 45-ке жеткенін мәлімдеп отыр. Яғни бұл нысандардың құрылыс салуға рұқсат құжаты түгел емес немесе жобадан ауытқыған, яки басқа да заң бұзушылықтарға жол берілген.
Алматы • 05 Маусым, 2024
Жеке көлік қозғалысын реттеудің жөні қандай?
Тұрғындарының саны бірнеше миллионнан асып жығылатын мегаполистерде көлікпен жүру жылдан-жылға қиындап келеді. Бүгінде Алматының әрбір төртінші тұрғынының жеке көлігі бар. Ал автомобильдің саны көбейген сайын ұзын-сонар кептеліс, автотұрақтың жетіспеушілігі, жанармайдың қымбаттауы сияқты мәселелер қордаланып жатыр.
Қоғам • 04 Маусым, 2024
Биыл 12 мамырда Непал уақытымен таңғы сағат 07:25-те ауа райының қолайсыздығына қарамастан отандық альпинист Мақсұт Жұмаевтың жетекшілігімен, экспедиция құрамында Анар Бұрашева мен Альмир Қымбатбайұлы бар «Kazakh Everest Team» командасы әлемнің ең биік шыңы – Эверест шыңын кезекті рет бағындырды. Ең басты жаңалық – отандастарымыз 2024 жылы маусымда Эвересті бағындырған алғашқы альпинистер ғана емес, Анар Барашева әлемнің ең биік шыңын бағындырған тұңғыш қазақ қызы деген атпен тарихқа енді.
Қоғам • 31 Мамыр, 2024
Баспанасыз жетімдер қолдаусыз қалмайды
Биыл жыл бастала салысымен жетім балалар тұрғын үй мәселесін көтеріп, Мемлекет басшысына тікелей жүгінуіне мәжбүр болғаны есімізде. Президент пен Алматы қаласының әкіміне бейнеөтініш жолдаған Алматы облыстық №1 балалар үйінің түлектері Алматы облысының әкімдігінде тұрғын үй алуға кезегінде тұрған, яғни Алматы қаласының тұрғын үй кезегіндегі тізімде жоқ екен.
Денсаулық • 28 Мамыр, 2024
Алматыда өткен «ОнкоРенессанс 2024» I халықаралық ғылыми-тәжірибелік мектебінде Денсаулық сақтау министрлігінің штаттан тыс Бас онкологі Диляра Қайдарова елімізде ең көп тараған қатерлі ісіктің түрін атады. Маманның айтуынша, сүт безі обыры бірінші орында ғана тұрған жоқ, жыл өткен сайын осы дертке шалдыққан әйелдер саны да көбейіп келеді.
Құрылыс • 23 Мамыр, 2024
Заңсыз салынған құрылыстың зардабы
Алматыда заңсыз салынған құрылыстың салдарынан сазды лай көшкіні жүріп, соңы қайғылы оқиғаға ұласқанын жұрт әлі ұмыта қойған жоқ. Төпелеген нөсерден кейін Керей-Жәнібек хандар көшесінде асфальттың бір бөлігі опырылып, кәріз желілері бітеліп қалған еді.
Экология • 22 Мамыр, 2024
Ауа райы Алматыдағы көшет егу ісіне ерекше қарайласып тұр. Әлсін-әлсін құйып өтетін жаңбыр жаңа отырғызылған жасыл желектерді суаруды айтарлықтай жеңілдетіп отыр. Оның үстіне биылғы тазалық, көгалдандыру жұмыстары айрықша атаулармен өтіп жатыр. Дегенмен биылғы «Алматы – біздің ортақ үйіміз» науқанына атсалысуды өздеріне парыз санаған 400 мыңнан аса адамды ерекше алғыс сезіммен атап өтуге болады. Оның ішінде өз әріптестеріміз де бар.
