Жүрдек пойыз

«Астана – Қостанай» бағытын­да ­тағы бір пойыз жолға шы­ғады. «Жолаушылар тасымалы» акционерлік қоғамы жолау­шылардың сұранысын ескеріп, №91/92 «Астана – Қостанай» бағы­тында жүретін жаңа «Тұлпар-Тальго» жүрдек пойызының жолға шығатынын хабарлады. Пойыз 2 мамырдан бастап күнара қатынайтын болады. Жол бойында ол Атбасар, Жақсы, Есіл, Құсмұрын, Тобыл, Железорудная бекеттерінде аялдайды. Пойыз таңғы 09 сағат 15 минутта Астана­дан, ал Қостанайдан кешкі 21 сағат 11 минутта аттанады. Жаңа по­йыз жолда жүру уақытын едәуір қысқартып отыр. Енді жолаушылар Қостанайға дейін 09 сағат 15 минутта, ал Астанаға дейін 09 сағат 11 минутта жетеді. «Тұлпар-Тальго» пойызы 27 вагоннан тұрады. Оның екеуі «Гранд», тағы екеуі «Бизнес», 18-і «Турист» санатындағы вагондар. Сонымен бірге, 2 вагон-ресторан (вагон-бар) мен 3 техникалық вагон бар. Пойыз туралы қосым­ша ақпа­ратты темір­жол вокзал­дарының анықтама­лық­тарынан немесе 105 бірегей анықтама қызметінен алуға болады.