Түрмеге түсуі ықтимал

Францияның бұрынғы прези­денті Жак Ширактың үстінен іс қозғалып жатыр. Оған Париж мэрі бол­ған кезде 7 жалған жұмыс ор­нын ашып, одан түскен қаржыны саяси серіктеріне аударған деген айып тағылып отыр. Бұдан бұрын сондай бір іс көте­рілгенде, Париж мэриясына 2,2 мил­лион доллар төлеп құтыл­ған ек­ен. Енді қылмысы дәлел­де­нер бол­­са, 77 жастағы бұрынғы пре­­зи­дент 10 жылға сотталуы мүмкін. Орындалуы қиын шарттар Иран ағайындыққа жүрген “алтаумен” (АҚШ, Ресей, Қытай, Ұлыбритания, Германия және Франция) өздерінің төрт шартын орындаған күнде ғана келіссөзді жалғастыратынын айтты. Келіссөз кезінде дос немесе қас екеніңді айқында, келіссөз тоқ­таса, шу көтермеңдер, Из­ра­иль­де атом қаруы бар-жоғын ай­тың­дар, дейді. Мұндай шартпен ке­ліссөзге, әрине, бару қиын.