Жаңа жүйе ипотекалық несиеге өтінім беруден бастап, тұрғын үйді рәсімдеуге дейінгі барлық процесті қамтиды. Азаматтар банк сайты немесе мобильді қосымша арқылы «Цифрлық ипотеканы» таңдап, онлайн калькуляторда үйдің құны, бастапқы жарна және несие мерзімін енгізеді. Ай сайынғы төлем автоматты түрде есептеліп көрсетіледі.
Өтініш беруші ЖСН мен телефон нөмірін енгізіп, SMS арқылы растау жасайды. Осылайша келісімдерге қол қойылып, сатып алу-сату шарты электронды түрде рәсімделеді.
Айта кетейік, бұған дейін Freedom Bank «Өрлеу» мемлекеттік бағдарламасы аясында шағын және орта бизнеске арналған алғашқы цифрлық кредитті ұсынған еді. Енді жеке тұлғалар үшін де қолжетімді онлайн ипотекалық өнім пайда болды.
Бұл бастама тұрғын үй нарығында рәсімдерді жеңілдетіп, уақытты үнемдеуге мүмкіндік береді.
