Мемлекет қорғауындағы жартастарға, ескерткіштерге немесе ұлттық парк нысандарына жазу жазу, оларды зақымдау – жай ғана әдепсіздік емес, бұл – қылмыс.
Вандализм үшін қандай жаза күтіп тұр?
Қазақстан Республикасы Қылмыстық кодексінің 294-бабына (Вандализм) сәйкес, мемлекет қорғауындағы нысандарды бүлдіргендер үшін келесідей санкциялар қолданылады:
- 100-ден 2000 АЕК-ке дейін айыппұл салу (369 мыңнан 7,3 млн теңгеге дейін);
- Қоғамдық жұмыстарға тарту;
- 50 тәулікке дейін қамау;
- Бас бостандығын шектеу немесе үш жылға дейін бас бостандығынан айыру.
ІІМ мәлімдеуінше, вандализмнің кез келген көрінісіне қатаң құқықтық баға беріледі. Тарихи мұраны сақтау – әр азаматтың міндеті.
«Заң мен тәртіп әр азаматтың жауапкершілігіне негізделген, ал мұндай құқық бұзушылықтар үшін қатаң жаза бар», делінген ресми хабарламада.
