Фото: Ашық дереккөз
Жерорта теңізінің жағасында, Франциямен шекараға жақын маңда орналасқан бұл шипажайға келушілер саны осы уақытқа дейін өте аз болған. Мамандар мұның басты себебін қаланың атауынан көрді.
Ақтау маңында швейцариялық туристер мінген көлік аударылып қалды
Итальян тілінде «valle» сөзі «алқап» немесе «жазық» деген мағынаны білдіреді. Осыған байланысты интернетте жағажай демалысын іздеген пайдаланушылар Валлекрозияға тап бола алмай келген. Себебі Google және басқа да іздеу жүйелерінің алгоритмдері бұл қаланы теңіз жағалауы емес, тау бөктеріндегі мекен ретінде қабылдап, сәйкес нәтижелер шығарған.
Қала билігінің тапсырысымен жүргізілген маркетингтік зерттеулер атауды өзгерту қаланың танымалдылығын арттыратынын көрсетті. Нәтижесінде қаланың ресми атауына «al Mare» (теңіз жағасындағы) деген тіркес қосылды. Енді бұл мекен ресми түрде Vallecrosia al Mare деп аталады.
Көлсайдағы оқыс оқиға: Туристік микроавтобус беткейден құлап кетті
Қала әкімшілігі атауды жаңарту арқылы туристер ағыны айтарлықтай өседі деп үміттеніп отыр. Ал жергілікті тұрғындар үшін бұл өзгеріс бюрократиялық қиындықтар тудырмайды:
- Пошта индексі бұрынғыша қалады;
- Жеке құжаттар мерзімі біткен сайын кезең-кезеңімен жаңартылады.
