Фото: Үкімет
«Өңір әкімдіктері екі апта мерзімде барлық конкурстық рәсімді өткізіп, жөндеу жұмыстарына нақты кірісуі қажет. Ешқандай басы артық бюрократия болмауы керек. Жылумен қамтамасыз ету нысандарын жөндеу жұмыстарын тамыз айының соңынан кешіктірмей аяқтау қажет. Өнеркәсіп және құрылыс министрлігі, өңір әкімдіктері 1 қыркүйекке дейін білім беру және денсаулық сақтау нысандарының толығымен дайын болуын қамтамасыз етсін», деді Олжас Бектенов.
Энергетикалық және коммуналдық инфрақұрылымды жаңғыртуға қанша қаржы жұмсалады?Сондай-ақ Үкімет басшысы жылу беру маусымына дайындық аймақтардың климаттық ерекшеліктерін ескере отырып және белгіленген мерзімде жүргізілуі керек екенін жеткізді.
«Солтүстік, орталық және шығыс өңірлерде барлық инженерлік инфрақұрылым мен тұрғын үй-коммуналдық шаруашылық нысандары 15 қыркүйекке дейін, ал қалған өңірлерде 15 қазанға дейін толық әзір болуы тиіс. Әкімдерге жылу нысандарына тұрақты негізде барып, жағдайды жеке бақылауға алуды тапсырамын», деді Премьер-министр.
«Самұрық-Энерго» 111 жабдық пен 19,5 км жылу магистраліне жөндеу жүргізедіОлжас Бектенов өз сөзінде энергетика нысандарында жөндеу жұмыстарының көлемі мен оларды қаржыландыруды қысқартуға тыйым салынатынын айтты.
«Энергетика министрлігімен бірлесіп, «KEGOC» компаниясы 25 мамырға дейін ұлттық маңызы бар стансаларға арналған жабдықтардың жұмыс режимдерін бекітуі керек. Жұмыстардың көлемі мен оларды қаржыландыруды қысқартуға тыйым саламын. Әрбір факт бойынша меншік иелеріне, сол сияқты басқарушы компанияларға қатысты шаралар қабылданады», деді Олжас Бектенов.
Қазақстанда 5 жылу электр орталығы «қызыл» аймақтан шықты
