Маңғыстауда жаңа зауыт іске қосылды

АҚТАУ. 25ақпан. Маңғыстауда «КУДУ Индастриз Казахстан» ЖШС зауыты ашылды. Бұл туралы egemen.kz тілшісі хабарлады. Зауыт толық құрылымдағы бұрандалы сорғы жүйесін өндіретін болады. KUDU-ның бұрандалы сорғы жүйесі ауыр, орташа және жеңіл мұнайды өндіруге бағытталған. Озық технологиялық жабдықтарымен аталмыш зауыт Маңғыстау аймағы үшін статор, ротор, зәкір, ұңғымалық жабдықтардың басқарма шкафы және т.б. өндірумен айналысады. Зауыт Канаданың төтенше және өкілетті елшісі Шон Стайл бастаған канадалық делегацияның аймаққа іссапары аясында ашылды. Канадалық делегация аймақтың кәсіпкерлерімен кездесіп, кездесуде тараптар Канаданың Қазақстанмен, оның ішінде Маңғыстау өңірімен іскерлік байланысты нығайтып, өзара ынтымақтастықты одан әрі жандандыру мәселелерін және мұнай-газ, ауыл шаруашылығы салалары мен инвестициялар тарту жөніндегі мәселелерді жан-жақты талқылады. Бұған дейін KUDU-ның бұрандалы сорғылары мен басқа жабдықтары өзге мемлекеттерінен тасымалданып келген болатын. Гүлайым Шынтемірқызы. Дерек, сурет: egemen.kz.