Бұл жолы олар Астанада Челябінің «Тракторын» қабылдады. Бас бапкер Михаил Кравец мұз айдынына мына ойыншыларды шығарды: Шутов (Бояркин) – Маккошен-Уолш, Уиллман-Морелли-Веккьоне; Масси-Данияр, Логвин-Томпсон-Симонов; Бекетаев-Бреус, Қайыржан-Өмірбеков-Савицкий; Гайтамиров, Панюков-Шайхмедденов-Әсетов.
«Барыс-Аренадағы» бәсеке, өкінішке қарай, 2:0 есебімен қонақтардың пайдасына шешілді. «Трактордың» сапындағы Михаил Горюнов-Рольгизер 8 минутта есеп ашса, Логан Дэй бірінші кезеңнің соңғы секундтарында екінші шайбаны қақпаға енгізді. Жерлестеріміз өздерінің келесі кездесуін 25 желтоқсанда Астанада Екатеринбургтің «Автомобилист» клубына қарсы өткізеді.
