Фото: Ашық дереккөз
«Өткен жылы жаңа жылдық кезең тыныш өтті. Биыл да сондай болады деп үміттенеміз. Фермерлердің табыс табуына мүмкіндік беру үшін біз азық-түлік бағасын тежеген жоқпыз. Қатаң реттеу әдістері қолданылмады», деді Серік Жұманғарин.
Сонымен қатар вице-премьер кейбір өнімдердің бағасының өсуі әлі де түсініксіз екенін атап өтті.
«Кейбір өнімдердің бағасы үнемі өсіп тұрады. Бұл таңқаларлық. Мұнда спекулятивті факторлар болуы мүмкін», деді Жұманғарин.
Вице-премьер әсіресе, қызанақ пен қияр бағасына тоқталып, елде олар жеткілікті көлемде өндірілмейтінін, ал жылыжайда өсірудің өзі қымбат екенін айтты.
«Жалпы, азық-түлік себетінде тауардың 160 түрі қамтылған. Қазір негізінен әлеуметтік маңызы бар азық-түлік тауарларының тізіміне кірмейтін өнімдердің бағасы өсіп жатыр. Әлеуметтік маңызы бар азық-түлік тауарларының бағасы өсіп жатқан жоқ. Осы айдың екі аптасында 0,1 пайыз ғана өсті. Әлеуметтік маңызы бар азық-түлік тауарларының бағасы өспейді деп ойлаймын. Өйткені оны бақылап отырмыз. Онда сауда үстемесін бақылауға мүмкіндік, барынша қатаң шектеу бар», деді ол.
