«Дауыс беру Вашингтонда, Нью-Йоркте, Оттавада басталды. Сан-Францискодағы тағы бір сайлау учаскесі уақыт белдеуін ескере отырып, кейінірек ашылады», деді Шавкат Өтемісов Орталық сайлау комиссиясында өткен брифингте.
Еске салайық, Қазақстанда таңғы сағат 07.00-ден бастап елдегі президент сайлауына дауыс беру рәсімі басталды. Дауыс беруге ел бойынша барлық 10 033 сайлау учаскесі қатысуда. Шетелдегі 68 сайлау учаскесінің барлығында дауыс беруге болады. АҚШ пен Канададағы бөлімдер уақыт айырмашылығына байланысты кейінірек жұмысын бастады.
