Қашаған кен орнынан күніне 450 мың баррель мұнай алу жоспарланып отыр

Каспий теңізінің қазақстандық секторында орналасқан Қашаған кен орнында бірінші игеру кезеңінде тәулігіне 450 мың баррель мұнай өндіру жоспарлануда, деп хабарлады ҚазАқпарат. «Қашаған кен орнын игеру жобасының бірінші кезеңінің пайдалану циклі он жылды құрайды, келесі игеру кезеңдері қазіргі сәтте жоспарлау сатысында, әрі біз бірінші игеру кезеңінде өндірісті одан әрі кеңейту жобасы аясында дайындау инженерлік-техникалық жұмыстарды жүргізуге ҚР Үкіметінің мақұлдауын алдық.  «ЦК01» деп аталатын бірінші кезең аясындағы өндірісті кеңейту жобасы өндіру көлемін 80 мың баррелге ұлғайтуға бағытталған капитал салымын болжайды.  Үкіметтің мақұлдауы 2017 жылы дайындық инженерлік-техникалық жұмыстарын бастауға және 2018 жылға одан әрі жұмыстардың жоспарларын әзірлеуге мүмкіндік береді. Жоба аяқталғаннан кейін бірінші кезеңдегі өндіру көлемі тәулігіне 450 мың баррель мақсатты деңгейге жете алады», - деді «Норт Каспиан Оперейтинг Компании Б.В.» консорциумының басқарушы директоры Бруно Жардэн.