Елордада ЭКСПО билеттері сатылатын кассалар ашылды

Астана қаласында ЭКСПО-2017 халықаралық көрмесінің билеттерін кассаларда сату басталды. Билет кассаларының ашылу салтанаты елордадағы «Керуен» СОО-да, «Хан-Шатыр» СОО-да, сондай-ақ «MEGA Park» және «Алматы MEGA орталығы» СОО-да өтті. Айта кетерлігі, көрме билеттерін онлайн сату осы жылдың 10 маусымында, яғни көрмеге дейінгі бір жыл бұрын басталған болатын. Енді билеттерді тек ресми сайттан ғана емес, сондай-ақ кассалардан тікелей сатып алуға болады. Жұмыс күндері билеттің бағасы 4000 теңге, демалыс күндері 6000 теңгені құрайды. Әзірге ашық даталы билет болғандықтан, яғни күндері белгіленбегендіктен 2000 теңгеге қымбаттау. Студенттер, оқушылар, көп балалы аналар және жеңілдік санатына кіретін басқа да қазақстандықтар ЭКСПО-2017 көрмесіне 50 пайыз жеңілдікпен кіре алады. Ал соғыс ардагерлеріне, алты жасқа дейінгі балаларға, жетім балаларға, барлық топтағы мүмкіндігі шектеулі азаматтарға кіру тегін. «ЭКСПО-2017» билеттерді сату стратегиясы белгілі бір кезеңдерге негізделген. 10 маусымда онлайн-сату, 10 шілдеде туроператорлар үшін ЭКСПО көрмесіне билеттерді сату, 10 тамызда - реселлерлер үшін, ал 1 қыркүйекте субагенттік желі арқылы билеттерді сату басталды. Қазір билеттерді «Қазпошта» бөлімшелерінен, Қазақстанның барлық өңірлеріндегі Науwin/Меломан дүкен желілерінен және сауда-ойын-сауық орталықтарынан, сондай-ақ, Астана және Алматыдағы көрменің ресми билет кассаларынан алуға болады. 10 наурыздан бастап кассалар елдің барлық 14 өңірінде жұмыс жасай бастайды.