Білім • 29 Қараша, 2025
Жекеменшік мектеп: талап пен тәртіп
Президент Қасым-Жомарт Тоқаев қазіргі жаһандану дәуірінде озық білімді игерген, жаңа технологияны меңгерген елдің ұпайы түгел болатындығын атап айтып, білім сапасын жақсарту міндетін алға қойды. Оны ойдағыдай орындауға көпшілігі мемлекеттік тапсырыс алып отырған жекеменшік мектептер де үлес қосуға тиіс.
Басылым • 28 Қараша, 2025
Мемлекеттік БАҚ: міндетіне мәртебесі сай ма?
Президент Қасым-Жомарт Тоқаевтың Жарлығымен бекітілген «Қазақстан Республикасы ішкі саясатының негізгі қағидаттары, құндылықтары мен бағыттары» тұжырымдамасында ішкі саясаттың басым бағыттарының бірі ақпараттық саясат екені атап көрсетіліп, оның тиімділігін қамтамасыз ету үшін еліміздің бұқаралық ақпарат құралдарының бәсекеге қабілеттілігін арттыру, ағартушылық, ғылыми-танымдық және тәрбиелік мәні бар сапалы контентті дамыту, мемлекеттік органдардың БАҚ-пен өзара байланысын жетілдіру, журналистік этиканың жалпыға ортақ қағидаттарын дәріптеу, ақпарат кеңістігіндегі кез келген заңсыз әрекеттің таралуына қарсы іс-қимыл жасау, деструктивті идеологияның және үгіт-насихаттың, жалған ақпараттың таралуына жол бермеу, масс-медиа саласындағы нормативтік-құқықтық базаны жетілдіру міндеті қойылды. Бұл ретте, әсіресе, мемлекеттік БАҚ-қа жүктелетін жауапкершілік зор екені анық.
Қоғам • 25 Қараша, 2025
«Үркердің» жарығы мен көлеңкесі
Президент Қасым-Жомарт Тоқаев Астана қаласының еліміздің дамуындағы орны ерекше екенін атап айтып, оны дамыту мәселесіне ұдайы көңіл бөліп келеді. Мемлекет басшысы мегаполистің орталығы мен шет аймақтары арасындағы теңсіздікті жойып, елорданың барлық ауданының тұрғындары үшін қолайлы болуын қамтамасыз ету міндетін қойды. «Аспанмен таласқан биік үйлер, ауқатты кварталдар мен кедей аудандар, жартылай қираған ғимараттар – бұл біздің жол емес. Жағдайды «теңестіру» керек. Әділетті қоғам құру осындай ұстанымнан басталады», деген еді ол.
Қоғам • 08 Қараша, 2025
Әлеуметтік көмек майшелпек емес
Ата заңымызда атап көрсетілгендей, еліміздің ең қымбат қазынасы – адамдарды әлеуметтік қорғауға баса назар аударылып келеді. Мәселен, 2010 жылы 221,8 мың аз қамтылған отбасыға 35 млрд теңгеге жуық атаулы әлеуметтік көмек (АӘК) көрсетілген болса, биыл осындай 242 мың отбасыға 132 млрд теңге бөлінді. Алайда АӘК алушылардың арасында мемлекет қамқорлығын майшелпек көріп, масылдық пиғылдан арылмақ түгіл, әлеуметтік алаяқтыққа ұрынып жүргендер де бар. Бұған қоса, әлеуметтік жеңілдік алу жолында некелерін заң жүзінде бұзып, іс жүзінде бұрынғыша бірге тұрып жатқан жалған ажырасушылар да аз емес.
Заң мен Тәртіп • 30 Қазан, 2025
Жемқорлыққа қарсы күрес дәйекті жүргізілуі қажет
Мемлекет басшысы Қасым-Жомарт Тоқаев тамырын тереңге жіберген қоғамдық індет – сыбайлас жемқорлыққа қарсы ымырасыз күрес жариялап, ықпалды шаралар қолданып келеді. Нәтижесінде, «Transparency International» жемқорлыққа қарсы күрес және дүниежүзіндегі жемқорлық деңгейін зерттеу жөніндегі үкіметтік емес халықаралық ұйымы атап көрсеткендей, былтырғы Сыбайлас жемқорлықты қабылдау индексі (СЖҚИ) бойынша еліміз өзінің жаңа тарихында алғаш рет 40 балға қол жеткізіп, 180 мемлекеттің ішінде 88-орынға көтерілді.
Өндіріс • 20 Қыркүйек, 2025
Өнеркәсіппен өрілген даңқ жолы
Атырау мұнай өңдеу зауытының (Атырау МӨЗ) құрылғанына биыл 80 жыл болды. Бүгінде тарихы бір ғасырға жуықтаған кәсіпорын ұжымы атқарылған игі істердің бәрін еске түсіріп жатыр: ел игілігі үшін миллиондаған тонна өнім шығарылды, жаңғыртудың арқасында өндіріс көлемі ұлғайып, мұнай өнімдерінің сапасы жақсарды, ең бастысы – Отанымыз үшін аянбай еңбек еткен мыңдаған кәсіби маманның мұнай өңдеуге қосқан үлесі айтарлықтай.
Қоғам • 13 Қыркүйек, 2025
Француз жазушысы Антуан де Сент-Экзюперидің «Кішкентай ханзада» ертегі-повесіндегі таңертең ұйқыдан тұрысымен жуынып-шайынып алып, өзінің шағын планетасын аса қауіпті арам шөптен тазалауға кірісетін өреннің өнегесі кімге болсын ой салады. Елімізде былтырдан бері іске асырылып жатқан «Таза Қазақстан» экологиялық жобасына балдырғандардың да үлес қосып жатқанын көріп сүйсінгенде осы шығарма есімізге түседі. Әсілінде, тазалыққа шақыратын бұл бастаманың ең үлкен тағылымы осы емес пе?
Қоғам • 30 Шілде, 2025
Әдемі қартая білуге де парасат қажет
Алты бала өсіріп, ұлын ұяға, қызын қияға қондырған бір ағайын қартайған шағында перзенттерінің өзіне деген ықыласына көңілі толмай: «Еліміздің Конституциясында кәмелетке толған еңбекке қабілетті балалар еңбекке жарамсыз ата-анасына қамқорлық жасауға міндетті», деп жазылған. Ендеше, әйелім екеуіміздің кәрі қойдың жасындай ғұмырымыз қалғанда балаларымыз бізге неге дұрыс көңіл бөлмейді?» деп қынжылғаны бар. Осы сауал төңірегінде өзі де толғанып, бізді де ойға қалдырған еді.
Мәселе • 15 Шілде, 2025
Халқымыз киелі түз жануары санайтын киік мәселесі күн тәртібінен түспей келе жатқанына бірнеше жылдың жүзі болды. Оған бір себеп – құмырсқадай қаптаған ақбөкен тапап өтіп, малға жайылым қалдырмаған шаруалардың жанайқайы. Әсіресе Жайық өңіріндегі тіршілігі төрт түлікке қараған ағайын алдағы уақытта тігерге тұяғы қалмай ма деп қауіптеніп, билік басындағы азаматтардан араша сұрауға мәжбүр болған.
Қоғам • 01 Шілде, 2025
Ішкі көші-қон: Заң талабы неге бұзылады?
Тәуелсіздік кезеңінде еліміздің солтүстік және шығыс облыстарында әртүрлі себеппен нашарлап кеткен демографиялық жағдайды жақсартуға бағытталған жұмыс күші артық өңірлердің тұрғындарын жұмыс күші тапшы өңірлерге ерікті қоныс аудару бағдарламасы сегіз жылдан бері жүзеге асырлып келеді. Әйткенмен осы әлеуметтік жобаның нәтижесі көңіл көншітерліктей емес.
