Әлем • 08 Маусым, 2023
Француз балмұздағының дәмі керемет!
2023 жылдың қаңтарынан сәуіріне дейінгі аралықта еліміз құны 910,8 мың доллар болатын 234,2 тонна балмұздақты экспорттаған. Үшінші елдерден (ЕАЭО-ға кірмейтін) 1 852,9 мың доллар құнға ие 432,8 тонна балмұздақ сатып алған.
Қылмыс • 07 Маусым, 2023
Онлайн-ойын: Сан соғып қалмаңыз!
Пирамида жасаушылар өз схемаларына мүмкіндігінше көп адамды тарту үшін ойын-сауық форматын қолдана бастады. Олар экономикалық немесе инвестициялық онлайн-ойындарды ойлап тапты, онда ойыншылар жоғары кіріс тауып, содан кейін өз қаражаттарын ала алады-мыс. Бұл – виртуалды тауарларды: құстар, жануарлар, жылжымайтын мүлік немесе басқа активті нақты ақшаға немесе криптовалютаға сатып алуға, инвестициялауға және пайда табуға болатын онлайн-ойындар. Мұндай ойындарды жасаушылар бонустар немесе басқа сыйақы бере отырып, пайдаланушыларды жаңа қатысушыларды әкелуге шақырады.
Өнім • 06 Маусым, 2023
Биыл қаңтар-сәуір аралығында сүт өнімдерінің өндірісі 173,8 млрд теңгеге жетіп, былтырғы көрсеткіштен 32,9 пайызға асып түсті. Өңірлік бөліністе өндіріс тұрғысынан Солтүстік Қазақстан облысы алға шықты. Ондағы өндіріс көлемі 31,7 млрд теңгеге жетіп, жылдық өсім 52,3 пайызды құрап отыр. Екінші орында Алматы облысы. Шығарылған өнім көлемінің сомасы – 30,4 млрд теңге, ал өсу көрсеткіші – 28,5 пайыз. Үшінші орында Қостанай облысы – 24,6 млрд теңге және 76,6 пайыз.
Қаржы • 06 Маусым, 2023
Жаңа Салық кодексі: Бай-бағланнан алынатын түсім артады
Жаңа Салық кодексі халықтың дәулетті топтарынан түсетін табысты күшейтуге бағытталатын болады. Ұлттық экономика министрлігі осындай пайым жасап отыр. Олардың айтуынша, бұл салық жүктемесінің әділ бөлінуін қамтамасыз етеді.
Қаржы • 05 Маусым, 2023
Қаржы секторының ішінде банк саласының шоқтығы биік. Десе де өзге салалардың да нарықтағы орны жыл санап айқындалып, әрі үлкен сұранысқа ие болып келе жатқанын жоққа шығара алмаймыз. 2023 жылғы 1 мамырдағы жағдай бойынша Қазақстан Республикасының банк секторында 21 екінші деңгейдегі банк бар, оның 12-сі шетелдің қатысуымен, оның ішінде 8-і – еншілес банк. 2023 жылғы 1 мамырдағы жағдай бойынша банк секторының активтері 0,4%-ға немесе 184 млрд теңгеге азайып, 44,8 трлн теңге болды (жыл басынан бері 0,6%-ға немесе 0,3 трлн теңгеге өсу). Бұған өтімді активтердің 3,6%-ға немесе 697 млрд теңгеге кемуі әсер еткен.
Пайдалы қазбалар • 05 Маусым, 2023
Табысы мол кеніш «Росатомға» неге сатылды?
Жақында еліміздегі аса ірі уран кеніші саналатын «Буденовское» ресейлік «Росатом» компаниясына сатылғаны мәлім болды. «Росатомның» Батыс санкциясына ілігуі мүмкін екені туралы алыпқашпа сөз де болғаны белгілі. Ал «Буденовское» дегеніңіз – еліміздегі аса ірі уран кен орны. Кеніштің жұмысы ресми жолға қойылғаннан кейін оның өндірістік қуаты әлем бойынша екінші орынға бір-ақ шықпақ.
Экономика • 04 Маусым, 2023
Қырғызстанға тауар экспорты арта түсті
Еліміз Қырғыз еліне өңделген өнім экспортын 100 млн долларға дейін арттырмақ. Бұл туралы Сауда және интеграция министрлігінің QazTrade-пен бірлесіп, Бішкек қаласында өткізген отандық компаниялардың сауда миссиясында мәлім болды. Сауда және интеграция вице-министрі Қайрат Төребаевтың айтуынша, бізден Қырғызстанға саудаланатын өңделген өнімдер, негізінен тамақ, химия, машина жасау, фармацевтика, металлургия салаларының тауарлары екен.
Инфляция • 01 Маусым, 2023
Экономиканы қолданбалы зерттеулер орталығы (AERC) маусымда инфляция деңгейі 15,22 пайыз болады деп болжайды. Орталық сарапшыларының айтуынша, сыртқы факторлар дезинфляциялық үрдістің (инфляцияның төмендеуі – ред.) орнықсыздығын көрсетіп отыр.
Экономика • 01 Маусым, 2023
Қазақстан – Испания: Экономикалық байланыс нығаяды
Астанада «Бәйтерек» ұлттық басқарушы холдингінің ұйымдастыруымен өткен Қазақстан-Испания іскерлік кеңесінің 7-отырысында экономиканың екі ел бірлесе дамытуға ниетті маңызды салалары бойынша кең көлемді талқылау болды. Тараптар машина жасау, ауыл шаруашылығы және су ресурстарын басқару бағыттарында ынтымақтастық орнатуға мүдделі. Форумға қатысуға Қазақстаннан – 150, Испаниядан 35 компания келді. Іс-шараның басты мақсаты – сауда-экономикалық ынтымақтастықты жандандыру, инвестициялар тарту және жетекші испан компаниялары мен қаржы ұйымдары өкілдерінің қатысуымен бірлескен жобаларды іске асыру.
Депозит • 01 Маусым, 2023
Ақшаны депозитте сақтау – ең тиімді жол. Әрі қазір базалық пайыздық мөлшерлеме 16,75 пайыз (яғни қымбат) деңгейінде тұр, демек депозиттің де өсімі тәп-тәуір болады деген сөз. Бір айда отандық екінші деңгейлі банктердегі депозит көлемі 3,1 пайызға, бір жылда 21,9 пайызға өсіп, биыл сәуірдің басында 31,3 трлн теңгеге жеткен.
