Аймақтар • 09 Қаңтар, 2024
Ақтөбе облысының Полиция департаменті Жаңа жылда 32 жаңа автокөлікпен толықты.
Мирас • 11 Желтоқсан, 2023
Ұлттық бұйымдарды жаңғыртқан ұстаз
Әйтеке би ауданы Ақкөл ауылындағы Абай атындағы орта мектептің мұғалімі Темірхан Сағындықов – ағаш пен темірден түрлі ұлттық бұйымдар жасап жүрген нағыз шебер. Ертедегі ауыл ұсталарының кәсібін жаңғыртып қана қоймай, оны қазіргі заманға бейімдеп жүрген еңбекқор жан ауылдастарының үйінде сақталған ескі кебеже, сандықтарды қайта жөндеп шығады. Ол Абай мектебінде 1989 жылдан бері алғашқы әскери даярлық және дене шынықтыру пәндерінен сабақ беріп келеді. Әскери шені – запастағы аға лейтенант. Ескі дүниені жаңартуға әуесқойлықпен барғанын жасырмайды.
Аймақтар • 07 Желтоқсан, 2023
Ақтөбе облысында тіркелген волонтерлік ұйымдардың саны 200-ден көп. Солардың арасындағы ең танымалы – жоғалып кеткен адамдарды іздестіруге көмектесіп жүрген «Зелло» іздеу тобының еріктілері.
Тағзым • 23 Қараша, 2023
Ақтөбе облыстық тарихи-өлкетану музейінде ақын, әнші Сары Батақұлының 160 жылдығына орай «Баласы мен Батақтың атым Сары» атты тарихи-танымдық кеш өтті. Жиында халық музыкасын зерттеуші Абдулхамит Райымбергенов Батақтың Сарысының жұртқа белгісіз болып келген шығармалары жөнінде әңгімеледі.
Мектеп • 15 Қараша, 2023
Ауылды түлету мектептен басталады
Биылғы оқу жылынан бастап «Қазақстан халқына» және «Білім беру саласын тұрақты дамыту» қорлары «Ақтөбе облысындағы шағын жинақты ауыл мектептерінің әлеуетін цифрлық технологияларды қолдана отырып дамыту» жобасын қолға алды. Қордан бөлінген 5 млрд теңгеге аудан орталықтарындағы 12 тірек мектеп, 134 шағын жинақты мектептің 386 оқу кабинеті қайта жабдықталып, алты мыңнан аса ауыл баласы үздік мұғалімдерден дәріс алуда. Оған қосымша өңірдегі 281 ауыл мектебінің интернет жылдамдығын жақсартуға жергілікті бюджеттен 448 млн теңге бөлінді.
Жастар • 08 Қараша, 2023
Жұмыссыз жастарға – қайтарымсыз грант
Ақтөбе облыстық жастар ресурстық орталығында «Zhas project» жобасының жеңімпаздары анықталды. 1 млн теңгеден қайтарымсыз грант алған ақтөбелік 14 жұмыссыз жас жақын аралықта өз кәсібін ашады. Олардың арасында сабын өндірісі, ұлттық бұйымдар тігу, дизайн студиясы, кондитерлік цех, клинингтік қызмет, балаларға шахмат курсын ұйымдастыру, киім цехы жобалары бар.
Аймақтар • 06 Қараша, 2023
Ырғыз, Қобда, Ойыл аудандарында өткен саяси науқан кезінде сайлаушылар тізіміне 28 897 азамат енгізілген еді. Ал дауыс беруге 17 033 сайлаушы қатысқан. Оның ішінде есептен шығару куәліктері бойынша – 8, дауыс беруге арналған үй-жайлардан тыс 1809 тұрғын қатысты.
Құрылыс • 29 Қазан, 2023
Әлеуметтік нысандар құрылысы тоқтап тұр
Әйтеке би, Мұғалжар, Шалқар, Ырғыз, Хромтау аудандарында салынып жатқан көпқабатты тұрғын үйлер, спорттық-сауықтыру кешендері, кіреберіс жолдар, бірнеше мектеп жауапсыз мердігерлердің кесірінен жыл соңына дейін бітпейтін түрі бар. Оның үстіне Ақтөбе облысы автокөлік жолдарының сапасы жөнінен соңғы орынды бермей келеді.
Қоғам • 24 Қазан, 2023
Алға ауданы Бестамақ ауылындағы «Болашақ» балалар бақшасының педагог-зерттеушісі Айман Досова тәрбиенің негізі балдырғанды еңбекке баулудан басталады дейді. Өйткені жастайынан еңбектенбеген бала өскенде де ештеңенің қадірін білмейді. «Екінші жағынан баласына қарап ата-анасының қандай екенін көруге болады. Өйткені балаңа берген тәрбиең – сенің ішкі жан дүниеңнің көрінісі. Сәби дүниеге келген күннен бастап онымен дұрыс қарым-қатынас қалыптастырып, есейген кезде де үнемі үлгі бола білу керек. Бұл ата-ана есепке алатын ең маңызды қағида» дейді тәжірибелі тәрбиеші.
Құтқарушы • 19 Қазан, 2023
Жыл басынан бері Ақтөбе облысының аумағында 428 өрт тіркеліп, соның салдарынан 9 адам қаза тапса, 11-і әртүрлі дәрежеде жарақат алған. Өрттің шығу қаупі де әртүрлі. Қыс кезінде тұрғын үйлерде газ баллондарының атылуы жиілеп, жылыту пештерінің ақауынан көмірқышқыл газынан улану деректері көбейеді. Оған автогаз құю бекеттерінде тұрмыстық газ баллондарын толтыру кезінде техникалық ақауларға жол беру де себеп болып жүр.
