Өнер • 22 Наурыз, 2024
Әлемнің қолөнер шеберлері Астанада
Наурыз мерекесіне орай Астанадағы ЭКСПО халықаралық көрме орталығында жәрмеңке өтіп жатыр. 21-23 наурыз аралығында елорда тұрғындары мен қонақтарына есігін айқара ашатын «Наурыз базары» халықаралық жәрмеңкесінде жергілікті қолөнер шеберлері мен ісмерлер. Түркия, Иран, Әзербайжан, Тәжікстан, Өзбекстан, Қырғызстан, Түрікменстан, Ресейдің Башқұртстан, Татарстанынан келген шеберлер де өз бұйымдарын ұсынады.
Дәстүр • 22 Наурыз, 2024
Биыл қоңыр күзде Астана қаласында V Дүниежүзілік көшпелілер ойындары өтеді. 20 спорт түрінен 110 медаль жиынтығы үшін додаға кіретін спортшылар апта бойы елорданы дүбірге бөлейді. 10 жыл бұрын Қырғызстан елі бас болып ұйымдастырған алғашқы аламан 10 ұлттық ойын түрінен ғана ұйымдастырылса, екі жылдан кейін өткен дала додасына 26 спорт түрінен 62 елдің спортшылары қатысты. 2022 жылы Түркияның Изник қаласы сән-салтанатын асыра өткізген Дүниежүзілік көшпелілер ойындарына 102 елден 3 мыңнан аса спортшы қатысып, 13 спорт түрінен медальдар жиынтығын бөлісті. Жылдан-жылға жаңарып, түлеп, түрленіп келе жатқан көшпелілер ойындары бүгінде қай құрлыққа да мәшһүр. Биыл біздің елде болатын Ұлы дала додасына ынта танытқан елдердің қатары 100-ден әлдеқашан асып кетті.
Ұлттық спорт • 20 Наурыз, 2024
Наурызнаманың Ұлттық спорт күніне орай еліміздің әр өңірінде түрлі іс-шара көпшілікке ұсынылды. Астана қаласындағы «Арғымақ» ат спорты сауықтыру кешенінде Туризм және спорт министрлігі, Ұлттық спорт түрлері қауымдастығы, елорда әкімдігінің қолдауымен ұлттық ойын түрлері – көкпар, аударыспақ, теңге ілу, қыз қуу және тоғызқұмалақ пен асық атудан арнайы сайыс өтті.
Ұлттық спорт • 20 Наурыз, 2024
Бүгін – ұлттық спорт күні. Былтыр ұлттық спорт түрлерінен саңлақтар 12 халықаралық сайысқа қатысып, 95 медаль иеленді, оның ішінде 35-і – алтын жүлде. Ұлттық спорт түрлерін дамытудың 2029 жылға дейінгі тұжырымдамасы әзірленіп, саланы өрістететін кадрлар даярлаудың бағдарламасы да бекітілді. Ұлттық спорт түрлерінен мектеп ашу ісі де қолға алынды.
Ұлттық спорт • 20 Наурыз, 2024
«Ұлы дала жорығының» рухани мәні зор
V Дүниежүзілік көшпелілер ойындарының аясында Ұлттық спорт қауымдастығының мүшесі – «Joryq» ат спорты федерациясының мұрындық болуымен елеулі іс-шара өтеді. Ол – биыл үшінші рет ұйымдастырылатын «Ұлы дала жорығы» республикалық марафоны. Ұлттық спорт күні қарсаңында осы жобаның авторы Бақытжан ТҰРЛЫБЕКОВПЕН арнайы кездесіп, республикалық іріктеу жарысына дайындық барысы туралы әңгімелескен едік.
Туризм • 14 Наурыз, 2024
Маңғыстау – еліміздегі туризмді дамытуға әлеуеті зор облыстардың бірі. Осы саланы өрістетуге қолайлы ондыққа кіретін өңірде этнотуризмнің де салмағы басым. Тасын түртсең, тарихты ақтаратын далалық мешіттерді көруге ынтық туристердің шоғыры да қалың. Бірақ жақынды алыс ететін жол азабы сынды инфрақұрылымның ақсауы өңірдің этнотуризмнен түсетін табысын жұқартып тұр.
Басылым • 13 Наурыз, 2024
Оқырман қолында – «Ой салар оқиғалар»
Журналист Ағабек Қонарбайұлының «Шынайы өмірде болған ой салар оқиғалар» кітабы жарық көрді. Республикалық «Айқын», «Дала мен қала», «Жас қазақ» газеттерінде мақалалары жарияланып, көзіқарақты көпшілікке қауымға есім-сойы кеңінен танылған Ағабектің бұл – екінші кітабы. Бұған дейін «Машақат пен марапат» кітабы да көпшіліктің ыстық ықыласына кенелген еді.
Қоғам • 12 Наурыз, 2024
Ұлттық статистика бюросының мәліметінше, 0–17 жас аралығындағы мүгедектігі бойынша тіркеуде тұратындардың қатары артып барады. 2010 жылы мүгедек есебінде тіркеуде тұрған балалардың саны 49 349 болса, 2022 жылғы деректе 104 260 адамға жеткен. Төбе құйқаңды шымырлататын цифр. Өкініштісі, жыл өткен сайын ерекше балалардың қатары артқанымен, оларға ем-дом қондырып, медициналық көмек көрсететін оңалту орталықтары тек мегаполистерде ғана бар. Батыстағы өңірлерден баласын бас қалаға, болмаса Алматыға апарып емдету ата-анаға ауыр тиетіні анық.
Әйел әлемі • 08 Наурыз, 2024
Бекзада өнердің ұлығы саналған құсбегіліктің шыққан тегі, түп-тамыры турасында талас тоқтаған емес. Тарихтан ескен аңыздың желісі Жошы ханның 3 мың, хан Абылайдың 500 бүркіті мен 300 қаршығасы, сұңқары болғанын баян етеді. Құбылай ханның саятшылыққа салатын қырандарын баптайтын 10 мың құсбегісі болғаны айтылады. Құсбегілік өнер қазақ қыздарына да қонғанын әйгілеп жүрген арулар шоғыры қалыңдап келе жатқаны қуантады. Құсбегі қазақ қызының ескерткіші құмнан қашалып Еуропа құрлығында қасқайып тұр.
Мәселе • 07 Наурыз, 2024
Дәуренінде қазақ сахарасында үйірімен өріп, 50-жылдары жойылып кеткен пржевальский жылқысын көбейту мәселесі көптен бері айтылып жүр. Түрлі қадам жасалып, сан салалы жоба түзілді. 2012 жылы Үкімет қаулысымен арнайы резерват та құрылған-ды. Биылғы жылдың маусым айында «Жабайы жылқылардың оралуы» халықаралық жобасы аясында елімізге Еуропадан керқұлан әкелінбек. Сегіз бас пржевальский жылқысы Прагадан және Берлиннен ұшаққа тиеліп, алдымен Арқалыққа жеткізіледі де, содан соң Қостанай облысына жөнелтіледі.
