Мәдениет • 06 Желтоқсан, 2023
Қазақ даласындағы көмейіне бұлбұл ұялаған дүлдүл әншілер мен буынсыз бишілердің, қарасөздің қаймағын қалқыған жыршы-термешілердің басын біріктіріп, халықтық өнердің алтын ұясына, қарашаңырағына айналған Сүйінбай атындағы Алматы облыстық филармониясының құрылғанына жарты ғасыр толып отыр. Ұлтымыздың ұлы мұрасы – дәстүрлі өнерді дәріптеумен қатар, көкжиегін кеңейтуді көздеген бұл өнер ұжымының қанатының астында мемлекет және қоғам қайраткері, өнер зерттеушісі Өзбекәлі Жәнібектің қолдауымен құрылған «Адырна», «Алтынай», «Сазген» сынды әйгілі ансамбльдер жұмыс істейді.
Бокс • 06 Желтоқсан, 2023
Спортсүйер қауымның есінде болса, жақында ғана Астана қаласында бокстан жасөспірімдер арасында өткен Азия біріншілігінде таулы өңірдің түлегі Толғанай Қасымхан топ жарып, Азия чемпионы атанған еді. Бұл қуанышты хабарды естіген ел-жұрт боксшы қызды зор құрметпен күтіп алып, артынша тілеуін тілеп жасөспірімдер арасындағы әлем чемпионатына шығарып салды. Әлем біріншілігінде де былғары қолғап шебері Толғанайға төтеп берер қарсылас табылмады.
Қоғам • 27 Қараша, 2023
«Amanat» партиясының экология мәселесіне айрықша ден қойып, көңіл бөлуінің нәтижесінде Алматы облысында бірқатар игі іс атқарылып келеді. Қоршаған ортаны қорғау мақсатында жергілікті полиция, экология департаменттерімен бірлескен рейдтер жүргізіліп, өндірістегі экологиялық бастамалар күшейтілген. Партияның сайлауалды бағдарламасына сәйкес 2027 жылға дейін өңірде 337 шақырым туристік соқпақ пен маршрут жүргізіледі.
Өнер • 27 Қараша, 2023
Тау-тасы мен даласында сан ғасырлық тарихтың сыры тұнған Алматы облысында 1683 жылы болған әйгілі Қарадала шайқасының тарихи қойылымы көрсетілді. Іс-шара Ақтабан шұбырынды, алқакөл сұлама қасіретінің 300 жылдығын еске алуға орай ұйымдастырылды.
Кітапхана • 24 Қараша, 2023
Кітапханашылар мұңын еститін жан бар ма?
Есік қаласының көркем табиғатына көз тоймасы анық. Шыңдары көк тіреген асқақ Алатаудың саф ауасы жансарайды сергітіп, сылдырап аққан тау өзені қиялға қанат бітіреді. Табиғаты тамылжыған өлкеде академик Әбдуәли Қайдар, сыршыл ақын Тұманбай Молдағалиев, көрнекті қаламгерлер Шәрбану Құмарова, Марат Тоқашбаев, Марат Ысқақов, Сағадат Сәлімбаев, ұста Дәркембай Шоқпарұлы, режиссер Талғат Теменов, одан бұрынғы жылдары суретші Айша Ғалымбаева, композитор Құддыс Қожамияров, тізбелей берсек Тұрлығазы Шаяхметұлы, Ахметжан Аширов, Хизмет Абдуллин сынды тұлғалардың кіндігі кесілген.
Еңбек • 17 Қараша, 2023
Экономикалық әлеуеті артқан Еңбекшіқазақ ауданының ауыл шаруашылығы – халықтың жұмыспен қамтылған ең ірі секторы және ауданның ең негізгі саласы болып табылады. Бұл салада қызмет көрсететін 10 580 ауыл шаруашылығы тауар өндірушілері тіркелген, яғни 10 117 жеке кәсіпкер мен шаруа қожалығы, 463 ауыл шаруашылығы құрылымы жұмыс істейді. Ауылшаруашылық мақсатындағы жер көлемі – 485,5 мың гектарды құрайды, оның ішінде егістік жер – 86,3 мың га, жайылымдық – 372,8 мың гектарды алып жатыр.
Футбол • 14 Қараша, 2023
Ауыл футболына демеуші табылды
Төрткүл дүниеге ортақ футбол ойыны ауыл балаларына таңсық емес. Аладоп аяққа ілінсе, қолдан қақпа жасап, екіге жарыла жарыса кету – үйреншікті әдіс. Жасыл алаң, жақсы доп болмаса да футболдан хабары бар әр бозбаланың көкейінде аты аңызға айналған Пеле, Марадонадан бастап, бүгінгі Роналду, Мессидің ойын өрнегі тұрары хақ.
Тарих • 13 Қараша, 2023
Жуырда Жамбылдың әдеби-мемориалды музейіне ұлы ақын туралы ең алғашқы жазбаша деректі («Терме» журналы, 1925 ж) хатқа түсіріп, оны баспасөз бетінде жариялаған белгілі ғалым Шамғали Сарыбаевтың немересі Майра Сарыбай келіп, 1958 жылы «Қазақ әдебиеті» газетінің №6 (163) санында жарық көрген «Жамбыл жайында тұңғыш дерек» атты мақаланың ксерокөшірмесі мен 1936 жылы Мәскеу қаласында түсірілген тарихи фотосуреттің (ақынның жанында Шара Жиенқұлова мен Күләш Байсейітова) түпнұсқасын табыстап, музей қорын біршама байыта түскендігі туралы аталған музейдің ғылыми қызметкері Рәтбек Терлікбаев хабардар етті.
Ауыл • 09 Қараша, 2023
«Amanat» партиясының «Халықпен бірге!» сайлауалды бағдарламасы аясында 16 мың тұрғыны бар 6 ауылға газ құбыры тартылып, іске қосылды.
Қазақстан • 07 Қараша, 2023
«Ауыл аманаты» қалай орындалып жатыр?
Алматы облысының қай саласында да ілгерілеушілікпен қатар, кемшіліктердің де бары Қонаев қаласында өткен «Amanat» партиясы депутаттық фракциясының отырысында жан-жақты баяндалды.
