Қазақстан • 17 Сәуір, 2023
Еліміз Ауғанстанда сауда үйін ашады
Ауғанстанға гуманитарлық көмектің кезекті легі жеткізілді. Оны Премьер-министрдің орынбасары – Сауда және интеграция министрі Серік Жұманғарин Кабулға барған сапарында елдің билік өкілдеріне тапсырды. Сондай-ақ Қазақстан Ауғанстанда сауда үйін ашуға келісті. Енді Талибан билігі елімізде өз дипломаттарын қабылдауды сұрап отыр.
Құқық • 17 Сәуір, 2023
Елімізде 9 миллионнан аса еңбекке қабілетті адам бар. Мамандардың айтуынша, бұл – Орталық Азияның еңбек нарығындағы үлкен күш. Сондықтан болар, елде жұмыс беруші мен жұмысшы арасында еңбек дауы жиі тіркеледі. «Бұған ең басты себеп – құқықтық сауатсыздық», дейді заңгерлер. Халықтың басым көпшілігі қызметке алынып, екі қолға бір күрек табылуын мақсат тұтады, ал еңбек шартының түпкі байыбына баратындар аз. Сол себепті де еңбек құқығының қандай заңдармен қорғалатынын біліп жүрген жөн.
Экономика • 17 Сәуір, 2023
Шығыс қақпасы: Кедендегі кептеліс азая ма?
Қазір елдің қай шекарасында болсын кедендік тексерісті күтіп, қаз-қатар тізілген көліктер тұрады. Әсіресе Қазақстан мен Қытай арасындағы «Қорғас» шекара бекетінде сағаттап кезекте тұрған жүк көліктері жүргізушілерінің шағымы орынды. Бұл мәселе мемлекеттік дәрежеде қозғалса да, түбегейлі шешілмей келеді. Жақында екі елдің делегациясы «Қорғаста» қайта кездесті. Келіссөздердің нәтижесі қандай? Кедендік шекарадағы кептеліс қашан азаяды?
Қоғам • 14 Сәуір, 2023
Президент жанындағы Мемлекеттік басқару академиясында әр жұма сайын өтетін «Даму күнінің» кезекті спикері тарихшы, «Восхождение по нисходящей» кітабының авторы Нұртай Агубаев болды.
Экономика • 12 Сәуір, 2023
Русиф ХУСЕЙНОВ, саяси сарапшы: Екі елдің қарым-қатынасы нығая береді
Күні кеше Түркі және Кавказ елдерінің назары Қазақстан мен Әзербайжанға ауды. Өйткені Әзербайжан президенті Ильхам Әлиев ресми сапармен елге келді. Осыған орай сарапшылар екі елдің қарым-қатынасын саралап, жоғары баға берді. Мәселен Әзербайжан саяси сарапшысы Русиф Хусейнов «осы кезге дейін саяси, экономикалық, мәдени салаларда тығыз байланыс орнатқан қос мемлекеттің арасына ешқашан сызат түскен емес» деген пікір білдіріп, «The Politicon» саяси-ғылыми журналында «Әзербайжан-Қазақстан қарым-қатынасы: қазіргі жағдайы мен болашағы» атты мақаласын жариялады. Мақалада сарапшы Кавказ елдерінің ішінде Қазақстанмен тығыз әріптес әрі дос елге айналған Әзербайжан ғана екенін айтады.
Басылым • 11 Сәуір, 2023
Басқа басылымдардан: Орталық Азия сапары
Әзербайжан президенті Ильхам Әлиевті елорда әуежайында Қазақстанның Премьер-министрі Әлихан Смайылов қарсы алды. Бұл сапар барысында екі ел бірқатар маңызды келісімге келді.
Қазақстан • 10 Сәуір, 2023
Осы жылы Сауд Арабиясының «Flynas» әуе компаниясы Қазақстанға тікелей рейстер ашады. Әуе рейстер екі ел арасында тұрақты қатынамақ. Эр-Рияд қаласында Қазақстанның Сауд Арабиясындағы елшісі Берік Арын «FlyNas» әуе компаниясының бас директоры Бандер Әл-Моханнамен кездесіп, келісімге келді.
Әскер • 10 Сәуір, 2023
Әскерге шақыру: Міндет пен мүмкіндік
Қазір әскерге өздігінен сұранатындар аз, тіпті жоқтың қасы десек те болады. Бозбалалардың көбі Отан алдындағы борышын өтегеннен гөрі, ерте еңбекке араласып, ақша табуды мақсат тұтады. Ата-аналары да қолдан келсе ұлдарын әскерге жібермеудің қамын жасап, балаларының бұл шешімін құптайды. Ал олар әскерден жалтарғаны үшін айыппұл төлейтінін біле ме? Тіпті азаматтық борышынан түбегейлі бас тартқан жағдайда қылмыстық жауапкершілікке тартылатынынан хабардар ма? Осы орайда айыппұл мөлшері мен әкімшілік, қылмыстық жазаның жүгін саралап көрген едік.
Әлем • 09 Сәуір, 2023
Өткен аптада Финляндия ресми түрде НАТО құрамына енді. Осылайша ұйымның Брюссельдегі штаб-пәтерінде 31-мүшесінің жалауы көтерілді. Бұл іс-шараға Финляндия президенті Саули Ниинистё мен үкімет министрлері қатысты. Солтүстік альянстың бас хатшысы Йенс Столтенберг «Финляндияның ұйым қатарына қосылуы шын мәнінде үлкен тарихи оқиға болды» деп мәлімдеді. Негізі Финляндиямен қатар Швеция да НАТО-ға өтуге өтініш берген еді.
Әскер • 09 Сәуір, 2023
Қарулы Күштердің қатары жас сарбаздармен толығып жатыр. Биыл Отан алдындағы борышын өтеуге 18 мыңнан астам бозбала шақырылған. Қазір көктемгі әскерге шақыру науқанында олар күн сайын медициналық тексерістен өтіп, жарамды жігіттер өңірлердегі әскери бөлімдерге аттанып жатыр. Өткен демалыс күндері Астана қаласының бір топ сарбазын ата-аналары мен Қорғаныс саласының өкілдері армия қатарына шығарып салды.
