Фото: Ашық дереккөз
Төртінші айналымда отандасымыз әлемнің екінші ракеткасы чехиялық Каролина Плишковамен кездесіп, екі айналымда да қарсыласын айқын басымдықпен жеңді. Алғашқы сетте қазақстандық теннисші қарсыласына мүкіндік бермей 6:0 есебін тіркеді. Екінші сет 6:2 есебімен аяқталды.
Елена Рыбакина WTA 1000 турниріндегі алғашқы матчты сәтті бастады
Енді ширек финалда Рыбакина украиналық Элина Свитолинамен кездеседі. WTA рейтингінде Свитолина 10-орында тұр. Матч 13 мамыр күні Астана уақытымен сағат 16:00-де өтеді.
Екі теннисшінің бұған дейінгі өзара кездесулеріндегі жалпы есеп Рыбакинаның пайдасына – 4:3 болып аяқталған.
Айта кетейік, Елена Рыбакина 2023 жылы осы Рим турнирінің чемпионы атанған болатын. Биыл аталған турнирдің жалпы жүлде қоры – 7 228 080 еуроны құрайды. Жекелей сындағы жеңімпаз 1 055 285 еуро көлемінде сыйақы алып, рейтингілік 1000 ұпайға ие болады.
Нұрболат АМАНБЕК
