Қор байқаушыларының мәліметінше, бірқатар сайлау учаскесінде адамдардың қарасы көп болып, тіпті учаскелер ашылмай тұрып-ақ кезек қалыптасқан. Кейбір учаскелерде тұрғындар ашылу уақытына дейін жиналып, дауыс беру процесінің басталуын күткен.Таңғы сағаттардан бастап дауыс беруге келген азаматтардың легі бір сәтке де бәсеңдемей, тұрақты түрде жалғасып жатыр.
Байқаушылардың айтуынша, сайлаушылар белсенділік танытып, өздерінің азаматтық құқықтарын пайдаланып, дауыс беруге ерте келіп жатыр.
Мұндай жоғары белсенділік азаматтардың қоғамдық-саяси өмірге деген қызығушылығының артып келе жатқанын көрсетеді. Сондай-ақ сайлау учаскелерінде тәртіп сақталып, дауыс беру процесі заң талаптарына сәйкес ұйымдастырылып жатқаны байқалады.
Жалпы, «Ел дауысы» қорының байқаушылары еліміздің әр өңіріндегі сайлау учаскелерінде дауыс беру барысын бақылап, азаматтардың сайлау құқығының сақталуын қадағалап отыр.
