Фото: Қала әкімдігі
WTA – мемлекеттік құрылымдар мен бизнес өкілдерін және сарапшылар қауымдастығын біріктіреді, халықаралық туризмді дамытуға ықпал етеді, зерттеулер жүргізеді, кеңес береді, маман даярлау ісімен айналысады. Сондай-ақ мемлекеттік және жеке сектор арасындағы кооперацияны нығайтады.
Алматы қаласы әкімдігінің мәліметінше, қазіргі уақытта Ханчжоуда (ҚХР) WTA Сянху – 2025 іс-шарасы өтіп жатыр. Іс-шара шеңберінде Алматыға Альянс құрамына қабылданғанын растайтын сертификат ресми түрде табысталды.
WTA құрамына қабылдану Алматының халықаралық серіктестігін күшейтіп, жаһандық сараптамалық ортаға жол ашады және қаланың туристік әлеуетін ілгерілетуге жаңа мүмкіндіктер туғызады.
