Министрліктің ұсынған мәліметіне сәйкес, 2025 жылдың шілдесінде Электронды еңбек биржасында жұмыс берушілер 104,8 мың бос жұмыс орнын жариялады, бұл маусыммен салыстырғанда 4,6 мыңға (4%-ға) аз. Ал жұмыс іздеушілер саны 38 мыңға (34%-ға) өсіп, 147,8 мың түйіндеме орналастырылды.
Ең жоғары жалақы төленетін мамандықтар:
-
Ұшқыш — орта есеппен 1,8 млн теңгеден бастап;
-
Жабдықты сынау және режимдік реттеу бойынша басшы — шамамен 1,5 млн теңге;
-
IT саласындағы техникалық директор — шамамен 1,4 млн теңге.
Нақты сектор ұсынған ең жоғары жалақылы бос орындар:
-
Тау-кен өндірісіндегі учаске бастығының орынбасары — 756 мың теңгеден бастап;
-
Учаске бастығы — 747 мың теңге шамасында;
-
Бас құрылысшы — 668 мың теңге шамасында.
Өңірлер бойынша бос орындардың айтарлықтай өсуі байқалды:
-
Алматы облысы — +28% (4,2 мыңға дейін);
-
Қызылорда облысы — +20% (2,8 мыңға дейін);
-
Алматы қаласы — +20% (7,9 мыңға дейін);
-
Солтүстік Қазақстан облысы — +17% (4,7 мыңға дейін).
Керісінше төмендеген облыстар:
-
Жамбыл облысы — −57% (3,3 мыңға дейін);
-
Түркістан облысы — −45% (5,6 мыңға дейін).
Салалар бойынша шілдеде ең көп бос жұмыс орындары:
-
Білім беру — 20 мыңнан аса;
-
Басқа қызмет көрсету түрлері — 16,5 мың;
-
Денсаулық сақтау — 10,6 мың;
-
Өңдеу өнеркәсібі — 7,7 мың.
Бұл төрт сала жалпы бос орындардың 57%-ын құрады. Білім беру саласындағы әр төртінші бос жұмыс орны Астана мен Алматыда орналасқан.
Ең көп сұранысқа ие мамандықтар:
-
Медбике/мейіргер — 2,2 мың вакансия;
-
Тәрбиеші — 1,9 мың;
-
Автокөлік жүргізушісі — 1,8 мың.
Квалификацияға қойылатын талаптар құрылымы:
-
Жоғары білікті еңбек — 32,9 мың вакансия (31,4%);
-
Біліктілігі жоқ жұмысшылар — 44,3 мың (42,3%);
-
Орта білікті мамандар — 27,6 мың (26,3%).
Шілде айында түйіндемелердің саны, Еңбек министрлігі атап өткендей, барлық аймақтарда өсті. Сонымен қатар, жұмыс іздеушілердің белсенділігі бірінші кезекте Шымкент (+54%, 19,6 мың түйіндемеге дейін), Қызылорда (+46%, 9,3 мыңға дейін) және Атырау (+38%, 10,4 мыңға дейін) облыстарында айтарлықтай өскен.
