Ғалам ғажаптары • 01 Мамыр, 2025

Сауда мен сауап

1 мин

оқу үшін

Америкалық кәсіпкер Блейк Майкоски Аргентинада демалып жүргенде, көптеген кедей балалардың көшеде жалаңаяқ жүргенін байқайды. Осы көрініс оған ерекше әсер етіп, кәсібін қайырымдылықпен ұштастырған.

Бекзат ҚҰЛШАР

Сонда қалай дейсіз ғой? Блейк ойлана келе аяқкиім өндіретін «Toms Shoes» компаниясын құрады. Кәсіпорын өнімінің айтарлықтай ерекшелігі жоқ. Бірақ олардың қағидасы талай жанды таңғалдырды. Мәселен, сіз бір аяқкиім сатып алсаңыз, дәл сондай аяқкиім бір мұқтаж балаға сыйланады. Үшеу алсаңыз, үш баланы қуантасыз. Былайша айтқанда, сауда жасап сауап жинайсыз. Осы ережені мықтап ұстанған «Toms Shoes» компаниясы 2012 жылға қарай 40 елдің миллионнан астам баласына тегін аяқкиімді тарту еткен.