1915 жылы америкалық кәсіпкер Томас Лайл Уильямс өз әпкесі Мейбелдің ерекше әдетіне куә болады. Ол кірпіктерін қою әрі ұзын етіп көрсету үшін вазелин мен көмір ұнтағын араластырып бояйды екен. Осыны байқаған Уильямс төзімді косметикалық құралдың формуласын жасап шығарып, Америка нарығында алғаш рет кірпікке арналған тушьты ұсынады. Уильямс жаңа өнімін «Maybelline» деп атайды. Бұл атау әпкесінің есімі — Мейбел мен вазелин сөздерін біріктіру арқылы пайда болған. Осылайша, қарапайым идеядан туған өнім бүгінде жаһандық косметика индустриясының бетке ұстар брендіне айналды.
