Апат

Оңтүстікте болған бұл автомобиль апаты 14 адамның өмірін жалмап кетті. ОҚО ІІД баспасөз қызметінің жетекшісі Салтанат Қаракөзова автоапатқа кінәлі «Mercedes Sprinter» көлігінің жүргізушісі екендігін айтады. Оқиға Алматы – Шымкент тас жолының бойындағы Бозарық елді мекенінің маңында болған. «Mercedes» жүргізушісі алдында келе жатқан ауыр жүк көлігі «Howo»-ны басып озып кетпек болады. «Howo»-ның жол бойындағы жанармай құю бекетіне бұрылуға ыңғай танытқанын көре тұра, алдына шығып кетпекші болған. Тараз – Шымкент бағытында жолаушылар тасымалдайтын «Mercedes»-те 19 адам болған екен. Апатты көзімен көргендер машиналарын тоқтатып дереу көмекке ұмтылған. Алайда, күл-талқаны шыққан көліктегі тоғыз адам, ішінде жас бала да бар, сол мезетте жан тапсырған. Ауыр жарақат алған жолаушылар облыстық жедел жәрдем ауруханасының реанимация бөлімінде жатыр. Ішінде жас балалар да бар. Қайғыдан қан жұтқан ­аға­­й­­ын­дары Аллаға мінәжат етіп, дәрі­­г­ерлердің туыстарын ­аман-сау алып қалуын тілеп, ауру­хана есігін күзетіп жүр. «Mer­cedes» жүр­­гі­зу­шісі де ес-түссіз күйде ауру­­ханаға түскен екен. Қазір бел­гілі болғандай, ол да көз жұмды. Бір адамның бір сәттік қателігінен ондаған жан қайтпас сапарға аттанып кетті. Қаншама шаңыраққа қан жұтқызған осындай оқиғалардың көлік жүргізушілеріне сабақ болмайтыны өкіндіреді. Бақтияр ТАЙЖАН, «Егемен Қазақстан». Оңтүстік Қазақстан облысы.