Сенбілік барысында аудан орталығының «Алтын асық» шағын ауданына 100-ге жуық адам жиналып, ауыл ішімен өтетін өзен арнасына ағаш екті. Бұдан бұрын бұл арада көпір салынып, төңірегіне тал-терек отырғызылған. Олардың қатары 400 түп әртүрлі ағаш көшетімен толықты.
«Бұл жолғы экологиялық сенбілікке мың түп көшет алынып, соның 400-і осы өзен арнасына отырғызылды. Ал қалған 600 көшет басқа ауылдарға бөлініп берілді. Яғни бұл күні басқа ауылдық округтерде де осындай сенбілік өткізілді. Жалпы, биыл ел Президентінің бастамасымен қолға алынған «Таза Қазақстан» экологиялық акциясы аясында Жамбыл ауданында 9600 түп ағаш отырғызу жоспарланған. Көктемде соның 4800 түбі егілді, ал қалған жартысы күз айларында аудандағы 24 ауылдық округте отырғызылып жатыр. Белгіленген жоспар жыл соңына дейін толықтай аяқталады», деді аудан әкімінің орынбасары Абзал Нұрпейісов.
Алматы облысы
