Сурет: ru.freepik.com
«Ақпараттық технологиялардың дамуымен бірге алаяқтар да өз әрекеттерін жетілдіріп, олардың қолданатын әдістері күрделеніп барады. Ең кең таралған әдістері – өзін банктер мен коммуналдық қызметтердің қызметкері ретінде таныстырып, азаматтардың есепшоттарындағы қаржыны жымқырады. Сондай-ақ қауіпті сілтемелер жібереді. Өкініштісі, алданып қалып жатқандар аз емес», дейді Н.Арыстанбек.
Кибералаяқтықпен күресудің тиімді жолы – алдын алу іс-шараларын жүргізу. Ал алдап соққан алаяқты табу – өте қиын. Сондықтан өңірде ақпараттық-профилактикалық іс-шараларға басымдық беріліп отыр. Ішкі істер министрлігінің 2023–2025 жылдарға арналған кибер қылмыспен күресу бағдарламасына сәйкес облыста жыл сайын жедел профилактикалық іс-шаралар өткізіледі. Биыл 12–14 қараша аралығында бүкіл ел аумағында «Анти-Фрод» жедел профилактикалық іс-шарасы өткізілді.
Сонымен қатар өңірде «Стоп-алаяқ» іс-шарасы жүзеге асырылып жатыр. Полиция қызметкерлері тұрғын үйлерді аралап, интернеттегі алаяқтықтың түрлері туралы ескертулер жасап, халықтың қаржылық және құқықтық сауатын арттыруға бағытталған ақпарат таратумен шұғылданып жүр. Сондай-ақ облыс пен Өскемен қаласы әкімдіктерімен бірлесіп, ақпараттандыру бойынша медиа-жоспар әзірленді.
Бүгінде қылмыстарды тиімді тергеу үшін Шығыс Қазақстан облысы Полиция департаменті жанынан кибер қылмыстарды ашумен айналысатын арнайы «Киберпол» бөлімі құрылған.
Шығыс Қазақстан облысы
