Фото: tour-almaty.kz
Итальяндық журнал Шымбұлақты қысқы спорт әуесқойлары баруға міндетті 5 курорттың тізіміне қосты. Сонымен қатар журнал қызметкерлері Шымбұлақтың атмосферасы мен заманауи жайлылығын ерекше атап өтті.
Қазақстандағы курортпен қатар үздік бестікке Исландиядағы Тролль түбегі, Аляскадағы Денали тауы, Грузиядағы Казбеги және Жапониядағы Зао тау шаңғысы курорты енді.
Бұған дейін Алматы Нью-Йорк Таймс нұсқасы бойынша 2024 жылы баруға тұрарлық 52 жердің рейтингіне енсе, Қазақстан да Wanderlust журналының үздік 24-іне кірген еді.
