Іс-шараға Маңғыстау облысының әкімі Нұрлан Ноғаев, ҚР Мәдениет және спорт вице-министрі Ержан Еркінбаев, Түркия, Германия, Кувейт, БАӘ, Өзбекстан, Ресей, Қырғызстан, Грузия және Қазақстанның ірі және халықаралық туроператорлары қатысты. Кеңесте сондай-ақ, Маңғыстау облысының туризмін дамыту мәселесі талқыланып, жаңа рейстерді ашу мәселелері пысықталды. Іс - шараның мақсаты-Қазақстанда туризмді дамыту және халықаралық туристік компаниялардың өзара ынтымақтастыққа қызығушылығын арттыру.
Кездесуде Маңғыстау облысының, Ақтау қаласының туристік әлеуеті және Tetysblu Aktau жобасы таныстырылды. Жобаға сәйкес, демалыс аймағының аумағында тұрғындарға қолжетімді тақырыптық ойын-сауық паркі, отбасылық демалыс үшін су, жер үсті және әуе аттракциондары салынды. Демалыс аймағында субұрқақ, мейрамхана, азық-түлік дүкендері бар. Нысанды көруге күніне 4,5 мыңға жуық адам барады деп жоспарлануда.
Орталықтың жанында гольф-клуб және 300 нөмірлі гольф-қонақ үй салынды.
