Науқастардың дені Жылыой ауданында орналасқан Теңіз кенішінің жұмысшыларынан табылып отыр. Мұнда бір тәулікте 36 адам қауіпті вирусты жұқтырды. Сондай-ақ, Атырау қаласында 10, Құрманғазы ауданында 1, Индер ауданында 1 адамнан инфекция анықталды.
«Covid-19 инфекциясы 10 науқаста симптомды түрде өтуде. Соңғы мәліметке сәйкес, өткен тәулікте коронавирус инфекциясынан 50 адам емделіп шықты. Қазір 150 адам үй жағдайында емделуді жалғастыруда. Облыстық инфекциялық стационарда 80, аудандардағы стационарларда 16 адам ем қабылдау үшін оқшауланды. Ал, Теңіз кенішіндегі инфекциялық стационарда 310 адам ем қабылдап жатыр» деп хабарлады басқарманың баспасөз қызметінен.
