Оның барысында жүйеге қосылу, балалар жұмысын дұрыс ұйымдастыру мәселесі айтылады. 3 сәуірде оқушылармен сынып сағаттары өтеді. Оның барысында балаларға тиісті ақпараттар беріліп, мұғалімдер қашықтан оқу туралы сұрақтарға жауап береді. Нәтижесінде, 6 сәуір күні балалар да, ата-аналар мен құрылғылар да қашықтан білімге дайын болуы керек. Осыған орай барлық сұрақтар бойынша Білім және ғылым министрлігінің 1450 колл-орталығына хабарласуға болады.
Білім және ғылым министрлігінің мәліметі бойынша, әзірге балалардың жазғы демалысын қысқартуға негіз жоқ. Ал ҰБТ-ны маусым айының аяғында өткізу жоспарланған. Қазіргі кезде ҰБТ сынама тестерін ақысыз өткізу бойынша жағдай жасалғандықтан, тестілеудің 70 нұсқасы ҰБТ сайтында қолжетімді. Соған орай оқушылар қазіргі кезде сынама тестілеуден тегін өтуде.
