Биыл экспозицияға рекордтық көрсеткіште әлемнің 70 елінен 2600 қатысушы, оның ішінде Қазақстаннан 24-і келген. Олардың қатарында Орталық Азиядағы ең ірі балмұздақ өндіруші және қазақстандық балмұздақты шетел нарығына алғашқы экспорттаушы «Шин-Лайн», «Баян Сұлу» кондитерлік фабрикасы, алкоголь өнімін өндіруші «Бахус» және «Алматы Стекло» шынытараны декорациялау және өндіру жөніндегі компаниясы бар.
Көрме Ресей, ТМД және Еуразиялық одақ елдері азық-түлік саласының стратегиялық тапсырыс берушілерін, сатып алушыларын жинайды. Қазақстан компаниялары стендтермен таныстырылған және олар азық-түлік және технологиялар нарығын дамытудың негізгі бағыттарын анықтауға, сондай-ақ бизнес-серіктестермен келісімдер жасауға мүмкіндік беретін мазмұнды іскерлік бағдарламаға белсенді қатысады.
«ПродЭкспо» көрмесі сатуды ұлғайтудың арнасы ретінде тек Ресей нарығында ғана емес, жаңа нарықтарды іздеу үшін де маңызды болып табылады. Біздің компанияның брендтері Ресейде танылып үлгерген, ірі қалаларында «Бомба», «Мишка на полюсе» балмұздағымен көпшілікке таныс. Ресейліктердің арасында шығыс тәттілерінің дәмі бар «Бахрома» балмұздағының танымалдығын ерекше атап өткен жөн», — деді «Шин-Лайн» компаниялар тобының президенті Андрей Шин.
