Ұзақ күттірген қуаныш

Отбасын құрған ерлі-зайыптылардың ортасында сәби болмаса немесе оның дүниеге келу мер­зі­мі кешіксе, бұл жағдай олар­­­д­ың қабақтарына кірбің тү­­сір­мей қоймайды. Өкі­ніш­ке қарай, бүгінде бала­сыз отбасылар қатары кө­­бей­­­месе, азая түсетін тү­рі кө­рінбейді. Әрине, бір пер­­зентке зар болған ерлі-зайыптылар бүгінгі заманғы медицинаның көмегіне арқа сүйей отырып, бала сүйе алады. Алайда, бұған қол жеткізудің мүмкіндігі бірде болса, бірде бола бермейді. Осы орайда ұзақ жылдан бері тұңғыштарын күтуден үміттерін үзбеген, бір-біріне ғашық жандардың сауабын алып жүрген жүрегінің жылуы мол жан жөнінде әңгіме өрбітудің орайы келіп тұр­ғандай. Бұл Батыс Қазақстан облыстық мәслихатының депутаты, Қазақстан хал­қы Ассамблеясы корей эт­но­­мәдени бірлестігінің тө­рағасы Максим Пак десек, дәл үстінен түсеміз. Өткен жылы Бөрлі ауданында ұзақ жылдан бері сәби құшуды армандап жүрген бірнеше ерлі-зайыпты Оң­түстік Кореяның астанасы – Сеул клиникасында емделіп әрі олардың алған емдері оң нәтиже беріп, көп­тен күткен тұңғыштарын дү­ниеге әкел­ді. Бұл арада Максим Пактың осынау қуа­нышқа қатысы қан­дай деген сауалды тағы бір еске сала кеткеннің ар­тық­­­шылығы бола қоймас. Өйт­­кені, ол Орал өңірі мен Сеул клиникасы және Батыс Қазақстан облыстық Қазақстан халқы Ассамб­леясы арасында өзара ке­лісімге қол қою жөніндегі мә­селеге бастамашы бола білді. Әрі аталған құжат ба­­­тыс­қазақстандықтардың мүд­делері мен пайдасына нақ­ты қызмет жасай бастауына әжептәуір күш-жігері мен ақыл-ойын сарп етті. Осы арада корей этномәдени бір­лестігінің төрағасы кез келген күрделі келісімге келе алатын мәмілегерлік қыры­мен де таныла алғаны анық. Ал бұл келісімнің нәтижесі қандай болғанын жоғарыда айтып өткен едік. Біздің бүгінгі кейіп­ке­ріміздің пікірінше, қазақ­стандық және кореялық мамандар ынтымақтастығы мен өзара қарым-қаты­нас­тарының үлкен болашағы бар. Ал ті­келей өзіне қатысты алғанда, ол өзінің бастамасымен ойға алған мақсатын одан әрі жалғастыра түсу­ді ұйғарған. Оның аясы бала сүйгісі келетін ерлі-зай­ып­тыларды емдетумен шектелмейді. Осы қатар­да отоларингология жүйесі бойынша балаларға квота бөлдірту және әйел­дер арасында кездесетін онко­логиялық ауруларды Сеул клиникасында емдету жол­­дары қарастырылған. Сон­дай-ақ, бүгінгі күні тұла бойы қайырымдылық пен ізгілікке толы азаматтың бас­ты мақсатының бірі батыс­қазақстандықтар Оңтүстік Ко­рея мамандарынан кеңес ала алатын кеңсе ашу болып отыр. Сөзімізді түйіндей келе айтайын дегеніміз, Максим Пак Қазақстан халқы Ассам­б­леясының рөлін тек сая­си және экономикалық бас­тамалардың өткізгіші болудан ғана емес, сонымен бірге, көптеген әлеуметтік мәселенің шешімін таба бі­луден де көргенді жөн са­най­ды. Мұның, сөз жоқ, өте ор­нықты да байыпты әрі нақ­ты шындыққа сәй­кес­тен­д­іре айтылған ой­лы пікір екені анық. Темір ҚҰСАЙЫН, «Егемен Қазақстан» Батыс Қазақстан облысы Суретте: Максим ПАК көптен күткен тұң­ғыш­­та­ры дүниеге келген ба­­қыт­ты ер­лі-зайып­ты­лар­мен бірге