Ерекше ықыласпен қабылданып отыр

Мәжіліс депутаттары Аман­жан Жамалов, Сапар­хан Омаров, Глеб Щегель­ский, Артур Платонов, Да­ния Еспаева Мемлекет бас­шы­сының Қазақстан хал­қына арнаған Жолдауын түсін­діру мақсатында «Қаз­хром «ТҰК» АҚ филиалы – Ақ­төбе ферроқорытпа зауы­ты­­ның еңбек ұжымымен кездесті. – Бұл құжат әр азаматтың әлеуметтік жағдайын жақ­сар­ту ойластырылып, дәйекті жазыл­ған. Оны әдеттегідей күш-жі­герімізді біріктіре отырып, қысқа мерзім­нің ішінде жүзеге асырар болсақ, Жол­дауда көзделген мақсаттарға ертерек қол жеткізеріміз анық, – деді Елбасы Жол­дауын түсін­дірген Артур Платонов. Мәжіліс депутаттары зау­ыт­­­­­тың тыныс-тір­шілігімен танысып, әлемде теңдесі жоқ жаңа №4 цех­­тағы металл бал­қыту үрдісі­не куә бол­­ды. Бұл цехты 2014 жы­лы Елбасы Н.Ә.Назар­баев іске қосқан. Қа­зі­р­гі таңда жаңа зауыт өзі­нің алғашқы өнімдерін бере бас­таған. Ақтөбе ферроқорытпа зауы­­ты­ның директоры Мұрат Мұ­қа­шевтың айтуынша, мұн­да әр түрлі мамандықты игер­ген 4 мыңнан астам адам табыс­ты еңбек етеді. Оның 3 мың­нан астамы – «Нұр Отан» пар­тиясының мүшелері. – Елбасының биылғы Жол­дауында «Нұрлы жер» тұрғын үй бағдарламасы назарым­ды ерекше аударды. Осы бағдар­ламада 15 жылда 1,5 мил­лион отбасын бас­панамен қамту көзделген. Яғни, үйсіз жүрген жастарымыздың баспаналы болуына мүмкіндік туып отыр, – деді Ақтөбе ферроқорытпа зауытындағы №1 балқыту цехының балқытушысы Ға­ны­бек Есенжолов. Ал зауыттағы №2 балқыту цехы­­­ның аға шебері Абай Рах­метов бизнес ортаны түбегейлі жақ­­­сарту мен оны кеңейту ту­ралы бас­­та­маларды ерекше ықы­ласпен қабыл­дағанын жет­кізді. Темір ҚҰСАЙЫН, «Егемен Қазақстан» Ақтөбе облысы